На шматлікіх АЗС зніклі папулярныя маркі паліва.
У Краснадарскім краі Расіі пачаліся перабоі з палівам на аўтазаправачных станцыях. Мясцовыя тэлеграм-каналы і жыхары Краснадара паведамляюць, што на многіх АЗС цалкам скончыўся бензін марак АІ-92 і АІ-95.
Са слоў кіроўцаў, паліва няма як у самім абласным цэнтры, так і на трасе ў кірунку да акупаваных украінскіх тэрыторый. На тых станцыях, дзе бензін яшчэ застаўся, імгненна вырастаюць велізарныя чэргі.
Пры гэтым мясцовыя жыхары адзначаюць, што на кубанскія запраўкі сталі масава прыязджаць кіроўцы з анексаванага Крыма, паколькі на самім паўвостраве бензіну ў свабодным продажы няма ўжо некалькі тыдняў.
Улады рэгіёна прызналі наяўнасць праблемы, аднак назвалі яе «кароткачасовымі перабоямі».
Паводле афіцыйнай версіі чыноўнікаў, прычынай калапсу стаў «рэзкі рост попыту». Ажыятажу нібыта не вытрымалі прыватныя заправачныя станцыі, якія закупляюць бензін дробнаоптавымі партыямі. У Аперштабе супакойваюць, што на АЗС буйных сеткавых аператараў паліва ўсё яшчэ ёсць у наяўнасці, і цяпер яны тэрмінова карэктуюць графікі сваіх паставак.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары
Мазыр, Наваполацк, як там справы? Усё добра?
Желаю Украине чаще и больше бить по российским нпз, заводам, складам, портам, базам и всему тому, что причастно к российскому имперскому дер..му.