Сіноптык Дзмітрый Рабаў у эфіры тэлеканала АНТ расказаў пра папярэдні прагноз надвор’я ў Беларусі на тыдзень з 14 па 20 верасня. Паводле яго слоў, у краіне чакаецца сапраўднае бабіна лета, хоць у сярэдзіне тыдня будзе некалькі больш халодных і дажджлівых дзён.
У панядзелак, 14 верасня, Беларусь апынецца пад уплывам малаактыўных атмасферных франтоў. Будзе воблачна з праясненнямі, удзень месцамі магчымыя кароткачасовыя дажджы. Раніцай не выключаны слабы туман. Уначы тэмпература складзе 9—15 градусаў цяпла, удзень — 14—22 градусы.
У аўторак краіна апынецца пад уплывам вобласці павышанага атмасфернага ціску. Дажджоў не чакаецца, хоць воблачнасць захаваецца. Раніцай месцамі магчымы туман. Уначы будзе 6—11 градусаў цяпла, удзень — ад 16 градусаў у Віцебскай вобласці да 22 у Гомельскай.
У сераду, 16 верасня, надвор’е крыху пагоршыцца. Атмасферны фронт прынясе пахаладанне, месцамі моцныя дажджы і навальніцы. Раніцай магчымы туман, вільготнасць паветра будзе дасягаць 90%. Уначы чакаецца 9—14 градусаў цяпла, удзень — ад 13 градусаў у Гродзенскай вобласці да 25 у Гомельскай.
У чацвер, 17 верасня, захаваецца няўстойлівае надвор’е. Будзе воблачна з праясненнямі, пройдуць дажджы, месцамі магчымыя навальніцы. Уначы і раніцай чакаюцца туманы. Тэмпература ўначы складзе 10—15 градусаў цяпла, удзень — ад 15 градусаў на паўночным захадзе да 22 на паўднёвым усходзе Беларусі.
У пятніцу надвор’е пачне паляпшацца. Воблачнасці стане менш, дажджы спыняцца, вецер будзе заходнім і ўмераным. Аднак уначы і раніцай яшчэ магчымы туман з бачнасцю да 500 метраў. Уначы будзе 8—13 градусаў цяпла, удзень — 17—23 градусы, а ў Брэсцкай вобласці паветра можа прагрэцца да 25 градусаў.
На выхадных у Беларусь прыйдзе антыцыклон, які прынясе цёплае і пераважна сухое надвор’е.
У суботу чакаецца пераменная воблачнасць без ападкаў. Уначы будзе 9—13 градусаў цяпла, удзень — 19—24 градусы, а на захадзе краіны — да 26 градусаў.
У нядзелю, 20 верасня, прагназуецца пераменная воблачнасць, верагоднасць дажджоў невялікая. Уначы і раніцай магчымы туман з бачнасцю да 500 метраў. Ноччу тэмпература складзе 7—12 градусаў цяпла, а ўдзень — ад 20 градусаў у Віцебскай вобласці да 25—27 градусаў у Гомельскай і Брэсцкай абласцях.
Цяпер чытаюць
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах52
Каментары