«Stała niemahčyma dychać». Biełarusa ŭ Polščy źbiła mašyna, ale štraf vypisali i jamu
Jahora, adnaho sa stvaralnikaŭ parfumiernaha brenda Nefes Noir, padčas razvozu zakazaŭ na rovary pa Biełastoku źbiła mašyna. Chłopiec udaryŭ hałavu i atrymaŭ šmatlikija nadłomy rebraŭ, jaho rovar paškodžany. Praŭda, štraf za zdareńnie atrymaŭ nie tolki kiroŭca aŭto, ale i paciarpieły.
Jahor raspavioŭ u sacsietkach, što jechaŭ pa šyrokim tratuary, jaki pryznačany i dla piešachodaŭ, i dla ravarystaŭ.
«Čeł na «miersedesie» vyjazdžaŭ z parkoŭki. Ja pabačyŭ jaho i prytarmaziŭ. Jon — taksama: maŭlaŭ, «prapuskaju». Ale kali ja pajechaŭ i ŭžo apynuŭsia roŭna pasiaredzinie darohi, jon hazanuŭ i źbiŭ mianie razam ź vielikam. Paśla hetaha nie spyniŭsia, a prosta zvaliŭ».
Chłopiec paśpieŭ zapisać numar mašyny i adrazu vyklikaŭ palicyju. Jamu dapamahali i śviedki.
«Niedzie praź dzieviać chvilin da mianie padyšli dva dziŭnyja mužčyny i pačali pytać, ci ŭsio ŭ mianie akiej. Akazałasia, adzin ź ich byŭ kiroŭcam, druhi — pasažyram. Jany prasili ŭrehulavać pytańnie biez palicyi, ale ja admoviŭsia».
Pa pryjeździe palicyja aformiła štrafy abodvum udzielnikam avaryi: kiroŭca musiŭ zapłacić 1100 złotych (kala $290), a Jahor — 100 (kala $26). Dadatkova kiroŭca atrymaŭ 10 štrafnych bałaŭ [krytyčnaja miaža dla pazbaŭleńnia pravoŭ u Polščy składaje ad 24 bałaŭ].
Apisvajučy zdareńnie, kiroŭca śćviardžaŭ, što nibyta nie ŭbačyŭ Jahora, bo hladzieŭ naprava.
«Ja atrymaŭ štraf za toje, što nie źlez ź vielika ŭ momant prajezdu praz vyjezd z parkoŭki. Ale tam było nul abaznačeńniaŭ!», — aburany Jahor.
«I heta davoli niebiaśpiečnaje miesca — vyjezd z parkoŭki znachodzicca pobač z hałoŭnaj darohaj ź intensiŭnym rucham. I tam uvieś čas chodziać ludzi, jeździać dzieci i ravarysty, tamu vielmi važna, kab takija situacyi nie zastavalisia biez uvahi».
Što najbolš dramatyčna, sprava skončyłasia dla pradprymalnika časovaj strataj dziejazdolnaści — jamu zaraz składana chadzić.
«Spačatku ja nie vyklikaŭ chutkuju dapamohu, bo zusim nie adčuvaŭ bolu. Ale praz hadzinu stała niemahčyma dychać, mianie pačało vanitavać — tady my pajechali ŭ balnicu, dzie ja pralažaŭ da ranicy. Paśla KT vyśvietliłasia, što ŭ mianie z abodvuch bakoŭ nadłamanyja rebry. Jość padazreńnie na strasieńnie hałaŭnoha mozha».
Biełarus ličyć pakarańnie dla siabie niespraviadlivym, tamu prosić luboj dapamohi ŭ płanie jurydyčnych kansultacyj.
Dadatkova stvaralniki Nefes Noir papiaredžvajuć, što ŭ suviazi sa zdareńniem u ich mahčymyja nievialikija zatrymki ŭ adpraŭcy zakazaŭ.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary14
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary