Viadomy rasijski repier nijak nie moža vystupić u Minsku — to z zakonami nie ščaścić, to sa zdaroŭjem
27‑hadovy Bushido Zho z Maskvy — pierśpiektyŭny małady repier, treki jakoha nie pakidajuć rasijskija čarty. Ale z vystupami ŭ Biełarusi ŭ jaho biada: Žaas Maskuraŭ admianiaje ŭžo druhi kancert zapar. I abstaviny dziŭnavatyja.
25 vieraśnia ŭ minskim Pałacy sportu źbiraŭsia vystupić Bushido Zho. Heta małady i pierśpiektyŭny rasijski repier: jaho treki nabirajuć miljony prasłuchoŭvańniaŭ na stryminhavych płatformach i pastajanna prysutničajuć u rasijskich čartach.
Biełaruskija słuchačy čakali kancerta Žaasa Maskurava jašče sa śniežnia 2025 hoda — tady repier abviaściŭ, što vystupić 30 krasavika 2026 hoda ŭ Falcon Club Arena. Ale ž vystup admianili, patłumačyŭšy heta «źmienami ŭ zakanadaŭstvie Biełarusi i niemahčymaściu praviadzieńnia kancertu ź minułym arhanizataram».
Jakija zakony mahli mieć na ŭvazie? Ź vieraśnia 2025‑ha ŭ krainie dziejničaje pastanova №454b, pavodle jakoj kancerty ź biełaruskimi ci zamiežnymi vykanaŭcami mohuć pravodzić tolki arhanizatary, uklučanyja ŭ adpaviedny rejestr. Voś tolki Bushido Zho anansavaŭ pryjezd u Biełaruś praź niekalki miesiacaŭ, a na čas admieny kancertu taja pastanova dziejničała ŭžo paŭhoda.
Pryjezd Bushido Zho pieranieśli na vosień. Ale 22 vieraśnia, usiaho za try dni da vystupu rasijanina ŭ Pałacy sportu, repier abviaściŭ u storys niepryjemnyja naviny:
«Na vialiki žal, my vymušanyja pieranieści kancert, jaki musiŭ adbycca 25 vieraśnia, na śniežań. Heta praz toje, što ja znachodžusia za miažoj i prachodžu niekalki miedabśledavańniaŭ, tak supała, što ŭsio heta ŭ adnu datu. Ja viedaŭ, što tak atrymajecca, i nie moh raniej skazać vam pra pieranos, bo my nie mieli novaj daty. Ale heta ŭ lubym vypadku śniežań, datu abviašču ciaham niekalkich dzion.
U pieršy raz, na žal, kłub pieranios nam mierapryjemstva na inšuju placoŭku, bolšuju pamieram. My pačali pradavać na jaje kvitki, heta cudoŭnyja naviny. Ale tak zdaryłasia, što ŭ druhi raz užo ja kažu vam pra pieranos».
Žaas tłumačyć toje, što skazaŭ pra pieranos tak pozna, tym, što raniej arhanizatary nie mieli novaj daty. Ale ž tłumačeńnie vyhladaje dziŭnym, bo i ciapier jon nie kaža, kali kankretna ŭ śniežni adbudziecca kancert, i nie nazyvaje, dzie jon projdzie.
Mahčyma, Bushido Zho daviałosia admianić kancert prosta pa ideałahičnych pryčynach? U kamientarach th-kanała artysta jość cikavaje paviedamleńnie ad adnaho z maderataraŭ: toj piša, što ŭ pieranosach nichto nie vinavaty i ŭ Minsku nie tak prosta pravieści kancert.
Dyj u samoha Bushido Zho jość takija teksty, ź jakimi moža prymirycca nie kožny ideołah. U svaich trekach jon užyvaje łajanku, zhadvaje narkotyki, ałkahol, hvałt. U GLOCK17 jon śpiavaje «Nie złuj mianie, ja pabju ciabie ŭ tvajoj kvatery», a ŭ DRUNK — «Ało, my ŭ kłubie, ja pjany».
A voś niekalki radkoŭ ź jaho treka «Daj mnie pahladzieć»:
«Jana takaja haračaja, možna pamierci,
Padydzi siudy holeńkaja, daj mnie pahladzieć […]
Daj mnie, daj mnie
Žopu, cycki, tvierk».
«Naša Niva» — bastyjon biełaruščyny
PADTRYMAĆ«Spačatku my piać dzion zapar pili piva, a potym pajšli ŭ studyju». Biełarusy stvaryli pank-hurt u Amierycy i zapisali albom pa-biełarusku
«Majo serca raźbita». Ed Šyran vybačyŭsia paśla skandału z adchileńniem repiera Makłmora praz prapaleścinskija łozunhi
Salisty Biełaruskaj opiery prajšli ŭ rasijskaje šou śpievaŭ — ale žury znajšło prorvu pamiž ich hałasami
Kamientary