Nexta patłumačyŭ, ci mahli śpiecsłužby Rasii dezynfarmavać jaho ŭ 2020-m, kab upłyvać na pratest
Stvaralnik resursu Nexta Ściapan Puciła ŭ intervju žurnalistu «Radyjo Svaboda» Dźmitryju Hurnieviču adkazaŭ na pytańnie, ci mahła rasijskaja raźviedka ŭ 2020 hodzie naŭmysna dezynfarmavać jaho supracoŭnikaŭ, kab radykalizavać pratest i ŭ vyniku adšturchnuć Biełaruś ad Zachadu. Takuju vierahodnaść dapuściŭ były kiraŭnik polskaj raźviedki Piotr Kraŭčyk.
«Kali hety čałaviek kiravaŭ tady polskaj raźviedkaj, to jon moh arhanizavać sačeńnie za našym ofisam. A moža i rabiŭ heta. Naš ofis tady byŭ u samym centry Varšavy, pobač ź Siejmam. Možna było nas padsłuchoŭvać i, kali b byli padazreńni, vystavić nam abvinavačańni. Čałaviek choča tak paćvierdzić svajo mierkavańnie.
Na našym kanale vyjšła intervju ź Piatrom Kraŭčykam, jaho dla nas zrabiŭ žurnalist Ihar Kulej. Kraŭčyk tam paŭtaryŭ heta. Biezumoŭna, Rasii było cikava ŭleźci ŭ hetyja vybary. Ale prajekt Nexta da hetych płanaŭ nie byŭ datyčny», — skazaŭ Puciła.
Jon patłumačyŭ, što ŭsie płany demanstracyj i maršruty raspracoŭvalisia roznymi biełaruskimi palitykami i aktyvistami ŭ zakrytym telehram-čacie «Chata». Tamu słovy Kraŭčyka, što kanał Nexta raspaŭsiudžvaŭ instrukcyi, jakija dasyłali rasijskija śpiecsłužby, nie adpaviadajuć faktam.
«Taksama jon kazaŭ, što nas dezynfarmavali śpiecsłužby, kali dasyłali infu z MUS i KDB. Ale my atrymlivali infarmacyju ad prostych ludziej, my vieryfikavali infarmacyju, my atrymlivali zdymki słužbovych paśviedčańniaŭ. I my spraŭdžvali ŭ ludziej z tych ža orhanaŭ tuju infarmacyju. I heta paćviardžałasia.
Paźniej jany pačali rabić tak zvanyja kantralavanyja źlivy, stavić kropki i koski ŭ roznych miescach. Potym jany pierastali heta rabić.
Ale ŭ nas usio roŭna byli krynicy ŭnutry Biełarusi, adnoj ź ich byŭ Uładzimir Žyhar, jaki ciapier u «Biełpole». Jon u mianie ŭ telefonie byŭ padpisany «MVD Mozyŕ». Heta byli sapraŭdnyja ludzi.
U nas i ciapier zastajucca krynicy ŭ Biełarusi, ale my paprasili, kab ciapier jany z nami nie kantaktavali. Ale ŭ nas byli ludzi i sa Słužby biaśpieki prezidenta, KDB, z samych roznych struktur», — skazaŭ Ściapan Puciła.
Były redaktar Nexta Jan Rudzik staŭ baćkam. Jany ź siamjoj pierabralisia ŭ Polšču
Jaŭhien Bułka pierabraŭsia ŭ Polšču. I raskazaŭ, jak u Izraili jaho adpravili pracavać na abortach
Biełarusy iranizujuć ź intervju byłoha kiraŭnika polskaj raźviedki
Rudzik — biełaruskim palitykam z polskimi pašpartami: Bałatujciesia nie ŭ KR, a ŭ polski Siejm
Ciapier čytajuć
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1111
Kamientary