Paśla pahroz Azaronka Z-aktyvistku Mirsalimavu vyklikali ŭ milicyju — u niekalki haradoŭ adrazu
Mirsalimavaj 14 kastryčnika čatyry razy patelefanavali ź milicyi, pryčym z roznych adździełaŭ.
Prarasijskaja aktyvistka ź Viciebska Elvira Mirsalimava paviedamiła, što joj telefanavali ź milicyi.
«Karaciej, mnie siońnia ažno 4 razy patelefanavali ź milicyi, i ŭsio z roznych adździełaŭ i navat haradoŭ! Dzień maci ŭdaŭsia. Zaŭtra pajdu zdavacca», — napisała aktyvistka.
Pryčyn zvankoŭ i taho, jakija pretenzii da jaje majuć milicyjaniery, Mirsalimava nie ŭdakładniła.
Heta adbyłosia paśla publičnych vypadaŭ prapahandysta Ryhora Azaronka, jaki nazvaŭ jaje «śvińnioj» i «čarviakom».
U abaronu aktyvistki vystupiła jaje adnadumnica, Z-mastačka Śviatłana Žyhimont. Jana paskardziłasia, što ŭ Biełarusi ad publičnych abrazaŭ abaronieny tolki Łukašenka, a dziaržaŭnym žurnalistam dazvalajuć abražać inšych ludziej biez nastupstvaŭ.
Heta daloka nie pieršaja ŭvaha siłavikoŭ da Mirsalimavaj, jakaja aktyŭna prasoŭvaje antybiełaruskija, prarasijskija naratyvy. Raniej jana ŭžo pryciahvałasia da administracyjnaj adkaznaści za parušeńnie zakanadaŭstva ab masavych mierapryjemstvach i pikietavańni.
Ciapier čytajuć
«Bulba» z Oršy pajšoŭ vajavać za Rasiju — ciapier siastra šukaje jaho ci chacia b jaho pareštki9
Kamientary
Vasilevič kliča Azaronka - cebaram Biełaruskaj dziaržavy, i maje racyju. Cikava a rasiejskija słužki sapraŭdy maryli što Biełaruskija sialanie trasianščyki padarujuć im krainu pamieram z Brytaniju na srebnaj talercy ? ))) i Kali 97% Biełarusaŭ suprać akupacyi