Pavodle słoŭ Trampa, u mižnarodnaj palitycy važna nie abražać tych, z kim davodzicca vieści pieramovy.
Prezident ZŠA Donald Tramp nie nazyvaje Uładzimira Pucina dyktataram, bo jamu davodzicca zaklučać ź im ździełki. Pra heta Tramp zajaviŭ u intervju karespandentu amierykanskaj miedyjahrupy Gray Media Džonu Dekeru, piša RBK-Ukraina.
Pavodle słoŭ Trampa, u mižnarodnaj palitycy važna nie abražać tych, z kim davodzicca vieści pieramovy. Mienavita tamu jon ličyć niemetazhodnym vykarystoŭvać rezkija vykazvańni na adras rasijskaha kiraŭnictva.
«Ja nie nazyvaju Pucina dyktataram, bo mnie davodzicca zaklučać ździełki ź ludźmi, tamu ja nie chadžu i nie abzyvaju ich. Ja — majstar zaklučeńnia ździełak. Ja zaŭsiody byŭ vielmi ŭmiełym pieramoŭščykam. Mienavita dziakujučy ździełkam ja staŭ vielmi bahatym. Tamu ja nie chadžu i nie vyśmiejvaju ludziej», — skazaŭ prezident ZŠA.
Tramp pierakanany, što publičnyja abrazy i vyśmiejvańnie kiraŭnikoŭ inšych dziaržaŭ mohuć uskładniać dasiahnieńnie dypłamatyčnych damoŭlenaściaŭ.
Jon supraćpastaviŭ ułasny padychod palitycy byłoha prezidenta ZŠA Džo Bajdena, jakoha abvinavaciŭ u pastajannym vyśmiejvańni Rasii.
Na dumku Trampa, takija pavodziny stali adnym z faktaraŭ, jakija pryviali da vajny va Ukrainie.
«Bajden pastajanna naśmichaŭsia z Rasii. Jon kazaŭ, što heta «zapraŭka ź jadziernaj zbrojaj» ci niešta padobnaje. Ale nielha tak razmaŭlać z čałaviekam, u jakoha vielizarny jadzierny arsienał. Heta adna z pryčyn, čamu pačałasia hetaja vajna», — zajaviŭ prezident ZŠA.
Pry hetym jon nie pryvioŭ kankretnych dokazaŭ taho, što mienavita naśmieški Bajdena stali pryčynaj rasijskaha ŭvarvańnia va Ukrainu.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary
Tramp sam chutka stanie dyktataram, kali jaho nie spynić narod Amieryki. Jon mietadyčna namahajecca źniščać instytuty demakratyi ŭ ZŠA. Zastałasia adnaja nadzieja, što novy skład Kanhresu złamaje hetuju trampaŭskuju tendencyju i pastavić na miesca pravaravaŭšyhasia bankruta i chłusa.