Паводле слоў Трампа, у міжнароднай палітыцы важна не абражаць тых, з кім даводзіцца весці перамовы.
Прэзідэнт ЗША Дональд Трамп не называе Уладзіміра Пуціна дыктатарам, бо яму даводзіцца заключаць з ім здзелкі. Пра гэта Трамп заявіў у інтэрв’ю карэспандэнту амерыканскай медыягрупы Gray Media Джону Дэкэру, піша РБК-Украіна.
Паводле слоў Трампа, у міжнароднай палітыцы важна не абражаць тых, з кім даводзіцца весці перамовы. Менавіта таму ён лічыць немэтазгодным выкарыстоўваць рэзкія выказванні на адрас расійскага кіраўніцтва.
«Я не называю Пуціна дыктатарам, бо мне даводзіцца заключаць здзелкі з людзьмі, таму я не хаджу і не абзываю іх. Я — майстар заключэння здзелак. Я заўсёды быў вельмі ўмелым перамоўшчыкам. Менавіта дзякуючы здзелкам я стаў вельмі багатым. Таму я не хаджу і не высмейваю людзей», — сказаў прэзідэнт ЗША.
Трамп перакананы, што публічныя абразы і высмейванне кіраўнікоў іншых дзяржаў могуць ускладняць дасягненне дыпламатычных дамоўленасцяў.
Ён супрацьпаставіў уласны падыход палітыцы былога прэзідэнта ЗША Джо Байдэна, якога абвінаваціў у пастаянным высмейванні Расіі.
На думку Трампа, такія паводзіны сталі адным з фактараў, якія прывялі да вайны ва Украіне.
«Байдэн пастаянна насміхаўся з Расіі. Ён казаў, што гэта «запраўка з ядзернай зброяй» ці нешта падобнае. Але нельга так размаўляць з чалавекам, у якога велізарны ядзерны арсенал. Гэта адна з прычын, чаму пачалася гэтая вайна», — заявіў прэзідэнт ЗША.
Пры гэтым ён не прывёў канкрэтных доказаў таго, што менавіта насмешкі Байдэна сталі прычынай расійскага ўварвання ва Украіну.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
Трамп сам хутка стане дыктатарам, калі яго не спыніць народ Амерыкі. Ён метадычна намагаецца знішчаць інстытуты дэмакратыі ў ЗША. Засталася адная надзея, што новы склад Кангрэсу зламае гэтую трампаўскую тэндэнцыю і паставіць на месца правараваўшыгася банкрута і хлуса.