«Niastrymanyja» — nastalhičnaje testasteronavaje kino z zalimitna-bajavym padboram aktoraŭ. Silviestr Stałone, Miki Rurk, Džejsan Stetchem, Džet Li, Dolf Łundhren, Arnold Švarcnehier, Brus Uilis.
ZŠA, 2010, kalarovy, 103 chv.
Režysior: Silviestr Stałone
Roli vykonvajuć: Silviestr Stałone, Džejsan Stetchem, Džet Li, Dolf Łundhren, Eryk Robierts, Miki Rurk, Rendzi Kuciur, Brus Uilis, Arnold Švarcnehier, Styŭ Ostyn
Žanr: Bajavik
Adznaka: 6 (z 10)
Kampanija najomnikaŭ na čale z Barni Rosam zmahajecca z kiepskimi chłopcami pa ŭsim śviecie. Pierastralać samalijskich pirataŭ, vyzvalić zakładnikaŭ — heta da Barni Rosa. Ale adnojčy hierojam kułaka i naža prapanujuć pravieści prafiłaktyčnyja hutarki z adnym zaciatym dyktataram. Situacyja ŭskładniajecca, bo ŭ dyktatara źjaŭlajecca pierabiežčyk z kamandy Barni. Bojka pačynajecca.
«Niastrymanyja» — nastalhičnaje testasteronavaje kino z zalimitna-bajavym padboram aktoraŭ. Hałoŭny «Remba» 80-ych — Silviestr Stałone (jon i za režysiorskim pultam). Alimpijski ŭdzielnik — Džejsan Stetchem. Miki Rurk — stary vajaka z tatuiroŭkami i vałasami łapšoj. I hubiernatar-kibarh Arnold Švarcnehier — u jakoha svaje chitryja płany.
U epochu kamputarnych stralałak staraja kamanda viarnułasia na ekran, kab žyŭcom, biez dubloraŭ, pakazać, jak treba karać niahodnikaŭ — i adnaŭlać spraviadlivaść. Niahledziačy na viek aktoraŭ — atrymałasia pierakanaŭča i enerhična.
Dadatkovy šarm stužki — siniefilska-siabroŭskija žarty (źviarnicie ŭvahu na Švarcnehiera ŭ chramie). Nu, i karonnaje — chto kaho adłupcuje?
Bajcy staroj škoły biaruć u ruki zbroju. Padrychtujciesia…
Kamientary