Zbližeńnie Maskvy i Brusela — drennaja navina dla aficyjnaha Mienska

«Pierazahruzka» stasunkaŭ z ZŠA, razmovy pra skasavańnie vizaŭ z Eŭrapiejskim Źviazam, bravurnyja kalanavukovyja razvahi pra ŭzajemadapaŭnialnaść ekanomikaŭ Rasiei i EZ ŭ adnym ź vieraśnioŭskich vypuskaŭ blizkaha da Kramla časopisa «Ekśpiert» — nazirajem vidavočnuju adlihu ŭ stasunkach Rasiei i Zachada, pieradusim Eŭrapiejskaha Źviaza. U doŭhaterminovaj perspektyvie dla Rasiei bolš kamfortna mieć blizkija stasunki ź pluralistyčnym i kulturna blizkim EZ, čym z Kitajem.

Paciapleńnie stasunkaŭ miž Rasiejaj i Eŭrapiejskim Źviazam — heta drennaja navina dla sučasnaj biełaruskaj ułady:

1) Biełaruś zastajecca pa-za kantekstam hetaha zbližeńnia,

2) Šavinistyčnyja rasiejskija palitolahi dadaduć, što biełaruskaje kiraŭnictva pazbaŭlajecca takoha važnaha resursa dla svajoj tak zvanaj «limitrofnaści», jak supiarečnaść miž vialikimi centrami i mahčymaści hetuju supiarečnaść ekspluatavać,

3) Biełaruskaja ŭłada apynoŭvajecca ŭ stanie Chałodnaj vajny na dva fronta: stasunki z Eŭrapiejskim źviazam abmiežavanyja z-za prablemaŭ z demakratyjaj, stasunki z Rasiejaj uskładniajucca asabistym kanfliktam kiraŭnikoŭ i pierachodam na rynkavyja asnovy nafta-hazavych dačynieńniaŭ.

Nikomu nia vyhadnaja aŭtarytarnaja Biełaruś, jakaja sprabuje vytarhavać nieabhruntavanyja preferencyi z boku Rasiei. Usim vyhadnaja pradkazalnaja demakratyčnaja Biełaruś z vyśvietlenym balansam preferencyj i sastupak u dačynieńniach z Rasiejaj. So it goes.

Isnuje dva zaŭvažnyja, chacia i nie vyrašalnyja faktary, jakija stajać na šlachu rasijska-zachodniejeŭrapiejskaha zbližeńnia i jakija rana ci pozna niepaźbiežna paŭstanuć pa miery prasoŭvańnia hetaha supracoŭnictva. Pieršy — aŭtarytarny režym u Rasii. Druhi — łukašenkaŭskaja Biełaruś.

Na siońniašnim etapie Zachad nie cikavicca prahresam demakratyi ŭ Rasii dy hatovy atrymać ekanamičnaje i hieapalityčnaje supracoŭnictva ŭ abmien na nie-piedalavańnie pravaabarončych pytańniaŭ, prynamsi da taho momantu, pakul prablemy nie nabyli zanadta jaskravaha charaktaru. Rasijski bok heta ŭśviedamlaje i tamu nie pierachodzić rysy, pakidajučy prastor dla abmiežavanaj, ale adnosna mahčymaj realizacyi niekatorych palityčnych svabodaŭ.

Adnak palityčnyja abstaviny i niepapraŭna horšy imidž Biełarusi, jaki, zrešty, adlustroŭvaje abjektyŭnuju realnaść, nijak nie dazvolać JEZ ihnaravać adsutnaść demakratyi dy masavyja parušeńni pravoŭ čałavieka ŭ krainie.

Krytyka režymu Łukašenki dy akuratnaje vykazvańnie zakłapočanaści stanam demakratyi ŭ Biełarusi — jak ni dziŭna, taksama šaniec dla prezidenta Rasii prademanstravać svaju sučasnaść i prahresiŭnaść.

Biełaruskamu režymu nie varta spadziavacca na supiarečnaści pamiž Rasijaj i Jeŭraźviazam i sprabavać vykarystoŭvać ich dla padtrymańnia svajho isnavańnia ŭ doŭhaterminovaj pierśpiektyvie. Stratehičnyja intaresy i Rasii, i Jeŭraźviazu vymahajuć kampramisaŭ i kanstruktyŭnaha supracoŭnictva, a nie procistajańnia. Rasija i Jeŭraźviaz, Rasija i NATO i tak uzajemadatykajucca i majuć ahulnuju miažu, tamu Biełaruś nie moža być ani barjeram na šlachu (abjektyŭna niemahčymaha) vajennaha ŭvarvańnia z Zachadu, ani paŭnavartasnym ekanamičnym «mostam» pamiž Rasijaj i JEZ.

Biełaruś moža abo fasilitavać intehracyju na jeŭrapiejskaj prastory, razam z Ukrainaj i šeraham inšych jeŭrapieskich dziaržaŭ, što nie ŭvachodziać u JEZ, utvaryŭšy kalektyŭny treci subjekt hetaha pracesu, abo nadalej być «kamieniem u bocie» dla rasijska-zachodniejeŭrapiejskich stasunkaŭ

// Całkam

• 0
• 0
• 0
• 0
• 0
• 0
• 0
• 0