23 listapada 100 hadoŭ tamu vyjšaŭ pieršy numar biełaruskaj hazety «Naša Niva».
Hramadzkaje abjadnańnie «Tavarystva biełaruskaj movy imia Franciška Skaryny» vinšuje Vas z vydatnaj padziejaj – 100 hadoŭ tamu vyjšaŭ pieršy numar biełaruskaj hazety «Naša Niva».
Ź jaje staronak na ŭsiu moc zahučeŭ hołas samabytnaha narodu, bahataha svajoj historyjaj i kulturaj.
Svajoj dziejnaściu supracoŭniki redakcyi vychoŭvali pačućcio nacyjanalnaj hodnaści i spryjali samaŭśviedamleńniu biełaruskaha narodu. Dla kožnaha biełarusa vydańnie «Našaj Nivy» (1906–1915 hady) – prykład samaaddanaha słužeńnia Baćkaŭščynie.
My zaklikajem supracoŭnikaŭ vydańnia, jakoje siońnia nosić śviatuju dla kožnaha śviadomaha biełarusa nazvu, nie vyrakacca tradycyjaŭ i ideałaŭ svaich papiarednikaŭ, najvybitniejšych «našaniŭcaŭ» pačatku minułaha stahodździa – bratoŭ Łuckievičaŭ, Kupały, Łastoŭskaha dy mnohich inšych.
Vinšujem usich supracoŭnikaŭ «Našaj Nivy» ź vialikim Jubilejem, žadajem im tvorčaha plonu, a taksama zaŭždy lubić i adstojvać Biełaruščynu va ŭsich prajavach našaha žyćcia.
Zaklikajem taksama ŭsich čytačoŭ «Našaj Nivy» i nadalej padpisvacca na hetaje dy inšyja biełaruskamoŭnyja vydańni, a taksama zaachvočvać da hetaha siabroŭ, svajakoŭ, znajomych. Bo kali nie vy, dyk chto? I kali nia siońnia, dyk kali?..
Žyvie biełaruskaja sprava!
Žyvie biełaruskaje Słova!
Žyvie Biełaruś!
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ34
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary