23 лістапада 100 гадоў таму выйшаў першы нумар беларускай газэты «Наша Ніва».
Грамадзкае аб’яднаньне «Таварыства беларускай мовы імя Францішка Скарыны» віншуе Вас з выдатнай падзеяй – 100 гадоў таму выйшаў першы нумар беларускай газэты «Наша Ніва».
Зь яе старонак на ўсю моц загучэў голас самабытнага народу, багатага сваёй гісторыяй і культурай.
Сваёй дзейнасьцю супрацоўнікі рэдакцыі выхоўвалі пачуцьцё нацыянальнай годнасьці і спрыялі самаўсьведамленьню беларускага народу. Для кожнага беларуса выданьне «Нашай Нівы» (1906–1915 гады) – прыклад самаадданага служэньня Бацькаўшчыне.
Мы заклікаем супрацоўнікаў выданьня, якое сёньня носіць сьвятую для кожнага сьвядомага беларуса назву, не выракацца традыцыяў і ідэалаў сваіх папярэднікаў, найвыбітнейшых «нашаніўцаў» пачатку мінулага стагодзьдзя – братоў Луцкевічаў, Купалы, Ластоўскага ды многіх іншых.
Віншуем усіх супрацоўнікаў «Нашай Нівы» зь вялікім Юбілеем, жадаем ім творчага плёну, а таксама заўжды любіць і адстойваць Беларушчыну ва ўсіх праявах нашага жыцьця.
Заклікаем таксама ўсіх чытачоў «Нашай Нівы» і надалей падпісвацца на гэтае ды іншыя беларускамоўныя выданьні, а таксама заахвочваць да гэтага сяброў, сваякоў, знаёмых. Бо калі не вы, дык хто? І калі ня сёньня, дык калі?..
Жыве беларуская справа!
Жыве беларускае Слова!
Жыве Беларусь!
Цяпер чытаюць
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары