Volha Kłaskoŭskaja atrymała list ad brata, asudžanaha na piać hadoŭ kałonii ŭzmocnienaha režymu pa spravie «19 śniežnia» AlaksandraKłaskoŭskaha-małodšaha .
Heta pieršy list, napisany ŭžo paśla vyniasieńnia prysudu — 26 maja. Pryvodzim niekatoryja vytrymki.
***
«Dobry dzień, maje darahija! Vy i sami ŭsio bačyli. Ab prysudzie ničoha pisać nie budu — ŭsim i tak usio jasna, u tym liku i prakuroru z sudździoj… Ciapier treba padavać kasacyjnuju skarhu ŭ Minski haradski sud. Viadoma, heta ničoha nie źmienić, ale treba prajści ŭsie instancyi…
Zabiarycie ŭ śledčaha moj noŭtbuk, kanfiskavany pry aryšcie — tam usie dziciačyja fatahrafii i videa z 2007 hoda. Moža, jašče što addaduć…
Dumaju prasicca ŭ peŭnuju kałoniju, pakul nie vyrašyŭ, ale, mabyć, u Vićbu. Adzinaje, što ciapier chočacca, — heta chutčej patrapić ŭ kałoniju, prajści ŭsie hetyja «radaści» etapu z najmienšymi fizičnymi i maralnymi stratami…
Chočacca vieryć, što ŭsio heta nie darma…
Jak možacie, dapamažycie Natašcy ź dzietkami…
Moža spakojnaje siamiejnaje žyćcio sa smarkatymi dzietkami i kaŭbasoj u chaładzilniku nie dla mianie!"
26 maja sud Leninskaha rajona Minska prysudziŭ byłoha supracoŭnika milicyi Alaksandra Kłaskoŭskaha pa spravie 19 śniežnia da piaci hadoŭ pazbaŭleńnia voli. Na hetym tydni viaźnia pieravodziać ź SIZA KDB u SIZA na Vaładarskaha.
-
«Łukašenka ŭjaŭlaje, što Polšča mahła b admovicca ad padtrymki biełaruskaj apazicyi ŭ abmien na Pačobuta. Hetaha nie budzie»
-
Chalezin: Treba pytacca «što vy vytvarajecie» nie ŭ Babaryki, a ŭ jaho daradcaŭ
-
«Siadžu ŭ trusach, zamiarzaju». U sacsietkach vyśmiejali čarhovuju strašyłku ANT pra «zamiarzajučuju Jeŭropu»
Ciapier čytajuć
U Varšavu pryjechała sotnia biełaruskich palitviaźniaŭ10
Kamientary