Zdajecca, zima vydychajecca. Ale apošnija marazy buduć niekamfortnymi praź vilhotnaść.
Marazy ŭ piatnicu-niadzielu buduć mienšymi, čym mierkavałasia raniej.
Pavodle siońniašnich prahnozaŭ sinoptykaŭ, tempieratury ŭ Minsku nie apuściacca nižej za 22 hradusy (u niadzielu).Na ŭschodzie krainy, u Padźvińni i Padniaproŭi (Viciebsk, Mahiloŭ, omiel), schaładaje maksimum da minus 27 (u subotu i niadzielu). Tolki na krajnim paŭdniovym uschodzie (Łojeŭ, Brahin) maroz moža dasiahnuć minus 29. U toj ža čas na paŭdniovym zachadzie krainy (Brest) termomietry pakažuć usiaho minus 20.
Praŭda, vysokaja vilhotnaść pavietra i vietryk pryviaduć da taho, što maroz budzie adčuvacca mocna, i pierabyvać na pavietry budzie niekamfortna.
Tempieratura pavietra ŭ čaćvier, piatnicu i subotu na minułym tydni apuskałasia na ŭschodzie da 34 hradusaŭ, a ŭ centry da minus 29 hradusaŭ. Heta byli nachaładniejšyja dni hetaj zimy.
Takoj chałodnaj zimy nie było ŭ Biełarusi ad 1986 hoda.Tady na bolšaj častcy krainy vymierźli sady. Toje samaje zdarycca i zaraz. Asabliva ciažka drevam toje, što maroz chapiŭ u lutym, pad kaniec zimy. Śniežańskija marazy sady tryvajuć lepiej.
Takija marozy stvarajuć nadzvyčajnuju situacyju i dla techniki:pry bolš jak minus 25 moža nie zavodzicca aŭtatranspart, uzrastaje da krytyčnaj nahruzka na linii elektrapieradačy i ciepłatrasy.
Ministerstva achovy zdaroŭja rekamiendavała spynić zaniatki ŭ tych škołach, dzie dzieciam daloka dabiracca. U sadkach dziaciej pierastali vyvodzić na prahułki.
Lutaŭskija marazy apanavali nie tolki Biełaruś, a cełuju Jeŭropu. Heta arktyčny antycykłon spoŭz i zatrymaŭsia nad našym kantynientam.
Ukraina prypyniła ekspart elektraenerhii ŭ Biełaruś: lutyja marazy pryviali da rezkaha rostu spažyvańnia elektryčnaści ŭ našych susiedziaŭ.Na ščaście, vialikich zbojaŭ u padačy ciapła i enerhii pakul nidzie nie fiksujecca. Kamunalnaja haspadarka pakul vydatna vytrymlivaje ekstremalnyja ŭmovy pracy.
Pry mocnym marozie małym dzieciam niamožna hulać bolš za 10–20 chvilin.Treba raścirać im nos i ščoki, kab nie było abmaražeńnia.
Vopratka musić być šmatsłojnaj i svabodnaj, kab miž słajami trymałasia ciopłaje pavietra. Najlepš sahraje ciopłaje pićcio, ale nie varta pić žežkaje pierad vychadam na dvor, kab nie rasparycca.
Samaja častaja prablema z aŭtamabilami ŭ maroz — razradka akumulatara.Adnak i letniaje dyzpaliva, i znošanyja śviečy zapalvańnia, i nieadpaviednaja tempieraturam aliva taksama mohuć stać pryčynaj prablemaŭ jak u bienzinavych, tak i dyzielnych aŭtamabilach. Varta viedać, što pry takich nizkich tempieraturach znos ruchavika maksimalny. Tamu pajezdki varta abmiežavać nie tolki ź mierkavańniaŭ biaśpieki, ale i dziela ekanomii.
Isnuje pahroza žyćciu biazdomnych hramadzian, a taksama tych viaskoŭcaŭ, chto žyvie ŭ chałodnych chatach.
Chto moža, pakidajcie dźviery padjezdaŭ niezamknionymi. Kali bačycie pjanych na vulicach, adrazu vyklikajcie da ich «chutkuju dapamohu».
Kamientary