Былога міліцыянера асудзілі за жаданне ваяваць у Палку Каліноўскага. Пагражала да 15 гадоў калоніі
30‑гадовага мінчука Івана Воінава, які ў мінулым быў міліцыянерам, кінулі за краты па абвінавачанні ў сувязі з Палком Каліноўскага. Яго вінавацілі адразу па трох цяжкіх крымінальных артыкулах.
Івану Воінаву 30 гадоў. У 2011 годзе ён пайшоў на сваю першую працу — у гаспадарку «Голацк» у Пухавіцкім раёне. Пасля перайшоў на МТЗ.
Па звестках Belpol, з 2014 да 2017 года Воінаў працаваў у Заводскім аддзеле Дэпартамента аховы МУС у Мінску. Мужчына прайшоў шлях ад курсанта да сяржанта міліцыі групы затрымання, але ў выніку быў звольнены з фармулёўкай «за сістэматычнае невыкананне ўмоў кантракта». Пазней Іван вярнуўся на Мінскі трактарны завод.
Па звестках праваабаронцаў, арыштавалі былога сілавіка прыкладна ў жніўні 2025 года. Спачатку Воінава ўтрымлівалі ў СІЗА КДБ, а пасля перавялі ў мінскае СІЗА-1. Пераслед мужчыны звязаны з ягонымі імавернымі планамі далучыцца да беларускіх добраахвотнікаў ва Украіне.
Воінава судзілі ў Мінскім гарадскім судзе. Фармулёўкі абвінавачвання сведчаць пра тое, што далучыцца да Палка Каліноўскага ён не паспеў: яго асудзілі за падрыхтоўку да найміцтва (ч. 1 арт. 13 і ч. 1 арт. 361-3), падрыхтоўку да ўдзелу ў тэрарыстычнай арганізацыі (ч. 1 арт. 13 і ч. 2 арт. 290-5) і замаху на здраду дзяржаве (ч. 1 арт. 14 і ч. 1 арт. 356).
Івану пагражала да 15 гадоў пазбаўлення волі. Дакладны тэрмін зняволення Воінава пакуль застаецца невядомым. Цяпер ён знаходзіцца ў калоніі.
«Наша Нiва» — бастыён беларушчыны
ПАДТРЫМАЦЬЦяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым8
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Гэта так лукашэнка хоча разрадкі адносін з захадам, так Зянон?
Гэта так лукашэнка хоча аддаляцца ад расіі, так, наш адбельвальнік лукі - плян трампа, які піша з «пішу з Фінляндыі / ЗША / Швэцыі/Румыніі»? Нагадаю табе, што вагнэраўцы вучылі беларускае войска, рабілі тут што хацелі, як у сябе ў масковіі (канцэрт зь іх затрыманьнем на пару тыдняў - не залічваецца, фрэндлі фаер), а Беларусь лука аддаў х...лу для нападу на Ўкраіну ў 2022 г. Што будзеш казаць, калі х...ло палезе ва Ўкраіну ў 2026 г. праз нас?
Тое што лука-бондарава замест ангельскай мовы ўвёў дарожныя паказальнікі на расейскай, гэта саюз з зша ці не? Ботафэрма КРамля ау?