27 мая ў г. Мінску пры праваслаўным храме Св. Мікалая Японскага (вул. Лідская, 3) пройдзе штогадовы фестываль хрысціянскіх культур «Траецкi фэст — 2018».
Фестываль праходзіць пры падтрымцы адміністрацыі Фрунзенскага раёна Мінгарвыканкама, Цэнтра экалагічных рашэнняў, грамадскай арганізацыі «Ахова птушак Бацькаўшчыны», Цэнтра экалагічнага выхавання і развіцця і мае не толькі асветніцка-забаўляльную, але і экалагічную скіраванасць.
Вас чакае разнастайная насычаная праграма:
- вялікі канцэрт аматарскіх і прафесійных творчых калектываў для дзяцей і дарослых;
- экскурсія па экасцяжыне ад Цэнтра экалагічнага выхавання і развіцця;
- інтэрактыўны майстар-клас па сартаванні смецця;
- майстар-клас «Хатні гародзік» ад Цэнтра экалагічных рашэнняў (ЦЭР);
- экалагічны кінатэатр для дзяцей і дарослых ад ЦЭР;
- выстава ад Цэнтра экалагічных рашэнняў;
- экалагічны інфапункт;
- назіранне за птушкамі і майстар-класы ад Мінскага аддзялення «Аховы птушак Бацькаўшчыны»;
- майстар-клас ад «Амігурумі-клуба»;
- майстар-клас па пляценні вяночкаў;
- майстар-клас па заплятанні косаў;
- ганчарнае кола;
- аквагрым;
- перацягванне каната;
- акцыя «Зялёныя ўніверсітэты»;
- акцыя «Новае жыццё ў абмен на крышачку» (таму, хто прынясе найбольш крышачак — падарунак: эка-цацка ад «Амігурумі-клуба»)
Для ўсіх ахвочых будзе працаваць палявая кухня, дзе вы зможаце падсілкавацца вельмі смачным сырным супам, духмянай юшкай, сакавітым шашлыком, салдацкай грачанай кашай з тушонкай, хатняй выпечкай, сапраўдным узбекскім пловам і папіць гарбаты.
Пачатак а 12:00, уваход вольны.
Чакаем усіх ахвочых падзяліць адно з адным радасць гэтага свята!
Сардэчна запрашаем на «Траецкi фэст 2018»!
А вось так праходзіў фестываль ў 2017 годзе:
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць4040
Каментары