Славакія, якая застаецца адным з апошніх буйных пакупнікоў расійскага газу ў Еўрасаюзе, плануе змяніць энергетычную палітыку і шукае новыя крыніцы паставак, піша The Moscow Times.
Як паведаміў віцэ-прэм'ер і міністр аховы навакольнага асяроддзя Славакіі Томаш Тараба, краіна цяпер вядзе перамовы з Азербайджанам аб заключэнні доўгатэрміновага кантракта на пастаўку газу — прыкладна на 10 гадоў. Галоўная мэта гэтага кроку — знізіць залежнасць ад Расіі і дыверсіфікаваць пастаўкі энергарэсурсаў. Азербайджан разглядаецца як надзейны партнёр, які ўжо раней дапамагаў Славакіі ў перыяды праблем з пастаўкамі.
Пры гэтым асноўная складанасць — лагістыка. Бакі абмяркоўваюць, праз якія трубаправоды можна дастаўляць газ з Каўказа ў Цэнтральную Еўропу і ў якіх аб’ёмах.
Яшчэ раней славацкая энергетычная кампанія вяла перамовы з азербайджанскім пастаўшчыком і вядома, што пастаўкі ўжо пачыналіся ў тэставым рэжыме ў 2024 годзе. Аднак канкрэтныя ўмовы — цэны і аб’ёмы — не раскрываюцца.
Сёння Славакія разам з Венгрыяй застаецца сярод нямногіх краін ЕС, якія працягваюць атрымліваць расійскі газ. Пасля спынення транзіту праз Украіну пастаўкі ідуць іншым маршрутам.
На гэтым фоне Еўрасаюз паступова адмаўляецца ад расійскага газу: уведзеныя абмежаванні з пераходным перыядам, і да 2027 года імпарт павінен быць цалкам спынены. Славакія выступае супраць такіх мер і нават аспрэчвае іх у судзе, лічачы, што гэта можа нанесці шкоду яе эканоміцы.
Цяпер чытаюць
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі7
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары