Ад рэдакцыі4545

Частка кантэнту «Нашай Нівы» стала платнай. Для чаго гэта робіцца і як плаціць?

NN.BY першым сярод беларускіх сайтаў уводзіць paywall.

Ужо ад сёння, адкрываючы на «Нашай Ніве» некаторыя матэрыялы, вы будзеце бачыць пазнаку: «Гэты артыкул платны». Гэтыя артыкулы будуць даступныя толькі сябрам Клуба чытачоў. Тлумачым чаму.

З пераходам у інтэрнэт у медыясферы нашай краіны склалася не зусім здаровая сітуацыя. Большасць папулярных у нас сайтаў фінансуюць дзяржавы (беларуская, але таксама Расія, ЗША ці Польшча). Іншыя фінансуюцца выключна з даходаў ад рэкламы — што вельмі часта азначае залежнасць ад вялікага бізнэсу. І залежнасць ад інтарэсаў дзяржаў, і залежнасць ад інтарэсаў бізнэсу па-нармальнаму павінны ўраўнаважвацца непасрэднай залежнасцю ад «простых людзей», ад грамадзян. Раней, у папяровую эпоху, гэта была залежнасць ад падпісчыкаў, пакупнікоў.

«Наша Ніва» — прыватнае выданне, мы цвёрда захоўваем незалежнасць ад уладаў і роўнааддаленасць ад палітычных сілаў і бізнэс-колаў. У НН вялікая верная аўдыторыя, якая цэніць выданне і падзяляе нашы ідэалы незалежнасці, беларускасці і прававой дзяржавы.

Цяпер сайт NN.by штодня наведвае каля 50 тысяч унікальных карыстальнікаў — гэта найбольшая лічба сярод усіх беларускамоўных рэсурсаў у свеце.

Мы стараемся адпавядаць часу, адгукацца на запыты чытачоў, таму ствараем новыя прадукты: толькі сёлета мы запусцілі глянцавы часопіс «Наша гісторыя», запрацавала беларускамоўная Афіша, стартаваў праект відэагутарак «Ток».

Каб дапамагчы «Нашай Ніве» развівацца і надалей, мы стварылі Клуб чытачоў. Нам важна залежаць найперш ад сваіх чытачоў, гэта зарука сувязі з вамі.

Уступіць у Клуб

Сябры Клуба, аформіўшы падпіску, атрымаюць неабмежаваны доступ да платнага кантэнту, напрыклад, артыкулаў «Нашай гісторыі», архіўных матэрыялаў, і не толькі.

Карыстальнікі ж змогуць купляць разавы доступ да асобных артыкулаў.

Колькі каштуе падпіска?

Доступ да платнага кантэнту каштуе 6 рублёў на месяц. Калі вы падпісваецеся адразу на большы тэрмін, будзе танней — 15 рублёў на квартал, 30 рублёў на паўгода ці 50 рублёў на год.

Калі вам патрэбны доступ толькі да аднаго артыкула, можаце набыць толькі яго. Гэта каштуе 3 рублі.

Альбо вы можаце проста пакласці на свой нашаніўскі рахунак любую суму грошай, каб падтрымаць выданне. Пасля вы зможаце патраціць іх на падпіску ці на дадатковыя паслугі.

Аплаціць падпіску можна праз АРІП альбо наўпрост карткай. Не хвалюйцеся, гэта абсалютна бяспечная аперацыя, як і ў любой інтэрнэт-краме.

Плацяжы прымаюцца і з-за мяжы.

Калі маеце дадатковыя пытанні, задавайце іх у каментарах альбо лістуйце на [email protected]

Уступіць у Клуб

Каментары45

Цяпер чытаюць

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі3

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Усе навіны →
Усе навіны

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

Міністр абароны Вялікабрытаніі: Пуцін халоднакроўны забойца4

Павел Белавус расказаў, як за кратамі даведаўся пра Нобелеўскую прэмію Бяляцкага

На фронце знайшлі загінулым 25‑гадовага беларуса з пазыўным «Дэкан»6

Расія рэкорднымі тэмпамі прадае золата, а Польшча за апошнія гады купіла яго найбольш за ўсіх у Еўропе10

Заснавальнік партала Realt.by прадае дом за $3 мільёны9

больш чытаных навін
больш лайканых навін

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі3

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Галоўнае
Усе навіны →

Заўвага:

 

 

 

 

Закрыць Паведаміць