Паводле звестак праваабаронцы Паўла Левінава, відэаблогер Дзмітрый Казлоў, вядомы пад нікам «Шэры Кот», ужо тройчы асуджаны за кратамі паводле ч.3 арт.23.34 КоАП, паведамляе Радыё Рацыя.
Хлопец трапіў у аршанскі ізалятар часовага ўтрымання 26 снежня мінулага года. 9 студзеня яго чакалі пасля 15-суткавага арышту. Але на волю ён так і не выйшаў, бо якраз у той дзень суд Воршы і Аршанскага раёну пастанавіў пакараць яго наступным, другім запар 15-суткавым арыштам — за ўдзел у акцыях супраць «паглыбленай інтэграцыі» 21 снежня. На наступны дзень, 10 студзеня, яго зноўку судзілі, цяпер за ўдзел у мінскіх пратэстах 20 снежня. Пастанова суду — трэці арышт на 15 сутак. 13 студзеня судовы канвеер працягваўся, і Дзмітрый Казлоў быў асуджаны на 15 сутак ужо чацвёрты раз — за заклікі ў сацыяльных сетках на сход у Мінск 29 снежня. Такім чынам, за кратамі «Шэры Кот» мусіць адбыць 60 сутак.
Цяпер чытаюць
Дэпутатка, якая рыхтуе прыгажунь для Лукашэнкі, выйшла замуж23
Каментары