Сяброўка сям'і Бабарыкі і сябра яго ініцыятыўнай групы — у СІЗА КДБ
Штаб Віктара Бабарыкі атрымлівае інфармацыю аб затрыманых членах ініцыятыўных груп і іншых асобах ад сваякоў і сяброў затрыманых.
Святлана Купрэева была затрыманая ў сябе дома раніцай у чацвер, 11 чэрвеня. У кватэры ў прысутнасці 81-гадовай маці Святланы пачалі праводзіць ператрус, а саму Святлану, без рэчаў і зменнага адзення, павезлі работнікі ДФР. Увечары сяброўцы Святланы паведамілі па тэлефоне, што Святлана затрыманая і будзе знаходзіцца ў СІЗА КДБ.
На наступны дзень Купрэева была дапытаная, але з СІЗА не вызваленая. Па заканчэнні 72 гадзін яе таксама не выпусцілі, што можа азначаць толькі тое, што была прымененая мера стрымання ў выглядзе заключэння пад варту. Пры гэтым аб заключэнні пад варту ДФР не паведаміў ані маці, ані каму-небудзь з сяброў Купрэевай. Перадаць Святлане ў СІЗА рэчы першай неабходнасці атрымалася толькі праз чатыры дні пасля затрымання.
Святлана Купрэева ніколі не працавала ні ў Белгазпрамбанку, ні ў кампаніях «ПрыватЛізінг», «Кампары», «Кентаўр» і інш. З менеджарамі гэтых арганізацый Купрэева сумеснай дзейнасцю не звязаная. Затое Святлана Купрэева з’яўляецца сябрам сям’і Віктара Бабарыкі, а таксама сябрам яго ініцыятыўнай групы, каардынатарам па адным з раёнаў Мінска.
Адвакату адмоўлена ў наведванні Купрэевай ў СІЗА КДБ «у сувязі з каранавірусам» (ужо каля трох месяцаў адвакатам адмаўляюць у наведванні кліентаў у СІЗА КДБ, спасылаючыся на прафілактычныя меры; гэтыя меры, аднак, не з’яўляюцца перашкодай для зносін са зняволенымі ані для следчых, ані для аператыўнікаў).
Праводзіцца працэдура вопісу і арышту маёмасці, што знаходзіцца па месцы пражывання Святланы Купрэевай.
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары