Сотні людзей у Маладзечне прыйшлі развітацца з Мікітам Крыўцовым. Труну з панявечаным целам накрылі нацыянальным сцягам
Пахаванне ўдзельніка акцый пратэсту, якога не маглі знайсці дзесяць дзён, адбываецца ў Маладзечне, піша Радыё Свабода.
Разьвітаньне зь Мікітам Крыўцовым пачалося ў 12.30 у рытуальнай залі Маладэчна на вуліцы Янкі Купалы, 50. Людзі пачалі там зьбірацца за гадзіну да пачатку разьвітаньня. Акрамя знаёмых загінулага, на разьвітаньне зь Мікітам прыйшлі ўдзельнікі фанацкага руху з Маладэчна, а таксама зь іншых гарадоў, у тым ліку зь Берасьця, Барысава і Менску. Да 12.30 каля рытуальнай залі сабралася некалькі соцень чалавек.
«Мы ня верым у тое, што Мікіта зрабіў гэта сам, — сказаў журналістам адзін з удзельнікаў фанацкага руху Маладэчна. — Не магло яго цела столькі часу знаходзіцца ў пятлі ў парку Менску».
Знаёмыя загінулага расказваюць, што бачылі яго 10 жніўня на месцы акцый пратэсту ў Менску.
Раней бацька Мікіты Крыўцова ў прысутнасьці незалежнага судова-мэдычнага экспэрта і адваката агледзеў цела сына ў моргу.
«Паводле нашага экспэрта, трэба дачакацца вынікаў дасьледаваньняў, найперш гісталягічных, — паведаміў Радыё Свабода адвакат Крыўцовых Віктар Мацкевіч. — Цела за гэты час моцна зьмянілася. Бацьку вельмі цяжка было на гэта глядзець».
Паводле экспэрта, як перадае адвакат, «адбыліся выразныя гніласныя зьмены мяккіх тканак цела, паказаліся косьці».
Жыхар Маладэчна Мікіта Крыўцоў зьнік 11 жніўня 2020 году. 12 жніўня жонка заявіла пра ягонае зьнікненьне. Перад зьнікненьнем ён хадзіў на акцыі пратэсту.
22 жніўня цела Мікіты Крыўцова знайшлі ў лесапарку ў раёне Парніковай вуліцы ў Менску. Паводле інфармацыі СК, ягоная сьмерць ня носіць крымінальнага характару. Сям’я Мікіты Крыўцова не пагадзілася з вэрсіяй «самагубства» і падала заяву ў Сьледчы камітэт.
Пахаваюць Мікіту Крыўцова на старых могілках Маладэчна. Труну зь целам ад рытуальнай залі нясуць на руках. Яна накрытая бел-чырвона-белым сьцягам.
«Любіў жыццё і меў вялікія планы». Жонка Мікіты Крыўцова не верыць, што ён скончыў жыццё самагубствам
-
Расіяніну, які п'яным пабіўся з ахоўнікамі мінскага метро, вынеслі лагодны прысуд
-
Латушка пра магчымасць вайны ў Беларусі: Гэта ж вар'яцтва, не ўяўляю, як крамлёўская прапаганда будзе тлумачыць гэта
-
«Да канца года, спадзяюся, зможам рэалізаваць адну-дзве рэчы». Бабарыка — пра свой новы праект і беларускую мову
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары