Прадпрымальнік, сябар Каардынацыйнай рады па Брэстчыне, выехаў за мяжу пасля ператрусаў
Пра гэта Андрэй Варонін, які валодае мэблевай майстэрняй Woodworks, напісаў у сваім фэйсбуку.
«Па мяне прыйшлі. Толькі ў нядзелю я ішоў па Мінску з двухсоттысячным натоўпам, а сёння я ўжо ў бягах. Усё адбылося вельмі імкліва, яны доўга з такімі рэчамі не цягнуць.
Мне апячаталі ўсю майстэрню з усімі станкамі, матэрыялам і вырабамі. Да бацькоў прыходзілі следчыя, праводзілі вобшук, перавярнулі ўсё дагары нагамі, напалохалі маму. Хлопцаў з маёй каманды ўчора дапытвалі 5 гадзін, забралі тэлефоны. Прыязджалі да іх дадому».
Ён піша, што ў віну ставяць нявыплату падаткаў і ўтойванне даходаў у асабліва буйным памеры. Гэта крымінальная справа, тэрмінам да 5 гадоў.
Ці звязана гэта з тым, што я ўвайшоў у склад Каардынацыйная рады па Брэстчыне? Ці звязана гэта з маёй грамадзянскай пазіцыяй? Ці звязана гэта з маімі заклікамі і пратэстам на працягу апошніх месяцаў? Вядома!» — напісаў ён.
Варонін звяртаецца да заказчыкаў, што выканае ўсе свае абавязацельствы.
«Можа, яны і змогуць адабраць у нас станкі і драўніну, але нашы ўменні і навыкі ніхто не адбярэ. Мы купім новыя станкі і зноў будзем працаваць і рабіць для вас прыгожыя рэчы».
-
«Спачатку пагрозу прыдумаў, потым сам яе перамог». Прапаганда абвяргае Зяленскага, сцвярджае, што рэтранслятараў не здымалі, бо іх не было
-
20‑гадовага мінчука затрымалі перад тым, як ён паспеў прадаць першую дозу наркотыку 16‑гадовай дзяўчыне
-
У Магілёве стаў працаваць адкрыты скаладром. Ён самы высокі ў Беларусі
Зяленскі: Рэтранслятары на мяжы Беларусі прыпынілі працу69
Каментары