Пашкоджаны лагістычны цэнтр Ozon. Абломкі беспілотнікаў упалі на прыватны дзіцячы цэнтр, двое дзяцей загінулі.
Уначы ўкраінцы ўдарылі беспілотнікамі па Краснадары. Паводле слоў відавочцаў, было чуваць як мінімум пяць выбухаў, пішуць «Осторожно, новості».
Краснадарцы паведамляюць пра ўзгаранне ў адным з раёнаў. У горадзе таксама ўключалі сірэну. Кіраўнік Краснадара Яўген Наумаў заявіў, што ў горадзе гучыць сігнал «Увага ўсім» — адбываецца адбіццё атакі БПЛА. Жыхароў і гасцей горада просяць не выходзіць на вуліцу і знайсці надзейнае сховішча.
Жыхары горада начавалі ў калідорах і ванных пакояў.
У аэрапорце Краснадара таксама ўведзены часовыя абмежаванні. Афіцыйнай інфармацыі пакуль няма.
Двое дзяцей загінулі ў выніку атакі БПЛА на Краснадар — абломкі ўпалі на прыватны дзіцячы цэнтр.
Пра гэта паведаміў губернатар Краснадарскага краю Веніямін Кандрацьеў.
Яшчэ сямёра атрымалі раненні. Ім аказваюць медыцынскую дапамогу. У бальніцы таксама даставілі двух дарослых. Паводле слоў Кандрацьева, абломкі беспілотнікаў упалі на жылыя і будаўнічыя шматкватэрныя дамы.
Таксама быў пашкоджаны лагістычны цэнтр Ozon.
У кампаніі заявілі, што, паводле папярэдніх звестак, пацярпелых няма. Супрацоўнікі былі эвакуяваныя.
«Пачаўся буйны пажар, на месцы працуюць экстраныя службы. Праца склада спыненая», — паведамілі ў кампаніі.
У Ozon заявілі, што тавары, размешчаныя на складзе, будуць схаваныя з вітрыны маркетплейса — замовіць іх будзе немагчыма. Заказы, якія дастаўляюцца з гэтага склада, будуць адмененыя, а грошы за іх вернуць кліентам.
Цяпер чытаюць
«На такую х**ню павялася». Расіянка прыехала з Сібіры ў Беларусь і цяпер з мацюкамі расказвае, як тут складана жыць32
Каментары
[Зрэдагавана]