Нямецкі пасол на сустрэчы ў беларускім МЗС запатрабаваў вызваліць палітвязняў і спыніць рэпрэсіі
Намеснік міністра замежных спраў Сяргей Алейнік сустрэўся з паслом Нямеччыны ў Беларусі Манфрэдам Хутэрэрам, піша Tut.by.
Як паведаміла прэс-служба нямецкага пасольства, размова ў тым ліку ішла і аб вызваленні палітвязняў.
— Бакі абмяняліся думкамі па актуальных пытаннях беларуска-германскага супрацоўніцтва і абмеркавалі перспектывы яго развіцця, — пркаментавала сустрэчу прэс-служба беларускага МЗС.
Прэс-служба амбасады канкрэтызуе, што Манфрэд Хутэрэр скарыстаўся магчымасцю і падняў пытанне пра палітвязняў.
У прыватнасці, ён запатрабаваў іх вызваліць, спыніць рэпрэсіі супраць мірных дэманстрантаў і актывістаў, а таксама пачаць сапраўдны дыялог паміж уладай і грамадзянскай супольнасцю.
Таксама пасол выказаўся за паскарэнне акрэдытацыі прадстаўнікоў нямецкіх СМІ ў Беларусі.
— Нягледзячы на разыходжанне пазіцый, размова прайшла ў канструктыўнай атмасферы, — адзначылі ў пасольстве Германіі.
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары