Развязаўшы вайну ва Украіне і ідучы на эскалацыю з краінамі НАТА, Уладзімір Пуцін рызыкуе атрымаць ядзерны арсенал ЗША проста каля межаў Расіі. І побач з Беларуссю.
Літва ўжо вядзе афіцыйныя перагаворы з Вашынгтонам пра магчымае размяшчэнне амерыканскай ядзернай зброі на сваёй тэрыторыі. Пра гэта журналістам паведаміў міністр нацыянальнай абароны краіны Робертас Каўнас, піша Politico.
Літва вядзе перамовы з ЗША аб патэнцыйным размяшчэнні амерыканскай ядзернай зброі на сваёй тэрыторыі. «Абмеркаванні працягваюцца», — сказаў журналістам міністр нацыянальнай абароны Літвы Робертас Каўнас.
«Financial Times» на гэтым тыдні паведаміла, што амерыканскія чыноўнікі вядуць перамовы аб разгортванні ядзерных боегаловак і бамбавікоў у краінах на ўсходнім флангу НАТА. Амерыканская ядзерная зброя ў цяперашні час захоўваецца на вайсковых аб'ектах у Германіі, Бельгіі, Італіі, Турцыі, Нідэрландах і Вялікабрытаніі.
Паводле інфармацыі выдання Financial Times, ЗША разглядаюць сцэнарый з разгортваннем ядзернай зброі ў тых еўрапейскіх краінах НАТА, якія да гэтага часу не былі задзейнічаныя ў гэтай праграме.
Гэты крок закліканы пераканаць саюзнікаў, што скарачэнне звычайнай вайсковай падтрымкі з боку Вашынгтона не аслабіць іх бяспеку. Як паведамляюць тры крыніцы газеты, гаворка ідзе пра размяшчэнне амерыканскіх самалётаў, здольных несці ядзерныя зарады. «Літва, безумоўна, не стаіць у баку», — сказаў Каўнас.
Каб зрабіць такое размяшчэнне магчымым, Вільнюс выказаў гатоўнасць перагледзець уласную Канстытуцыю, якая на сёння забараняе знаходжанне зброі масавага знішчэння ў межах краіны. Прэзідэнт Літвы Гітанас Наўседа ўжо дапусціў унясенне змяненняў у Асноўны закон, спасылаючыся на пытанні бяспекі ў рэгіёне.
Каментары