Канапацкая: Я паставіла ўмову — удзельнічаю ва Усебеларускім сходзе, але мне абавязкова там даюць слова
Экс-кандыдатка на пасаду прэзідэнта Ганна Канапацкая прыняла прапанову паўдзельнічаць ва Усебеларускім народным сходзе, які адбудзецца 11-12 лютага ў Мінску.
Канапацкая — адна з нямногіх, хто будзе забяспечваць выгляд, што на мерапрыемстве прадстаўлены і іншы палітычны бок. «НН» пацікавілася ў спадарыні Ганны, з якімі спадзяваннямі яна ідзе на УНС, а таксама што плануе там прамовіць.
«Я не лічу Усебеларускі народны сход нейкім там легітымным органам альбо органам улады. Але гэта тая пляцоўка, на якой можна агучыць тыя рэчы, якія сапраўды хвалююць грамадзянскую супольнасць, узняць пытанні, якія я і мае прыхільнікі лічаць асабліва важнымі», — кажа Канапацкая.
Што ж гэта за пытанні? «Гэта міжнародныя адносіны і незалежнасць Беларусі, пытанне нацыянальных сімвалаў, клопат аб тых людзях, якія сёння знаходзяцца за кратамі, а таксама змены ў Канстытуцыю.
Я прапанавала праект Канстытуцыі, накіроўвала яго ў Палату прадстаўнікоў. Частку публікавала ў сацыяльных сетках, але чамусьці ў той момант гэта нікому цікава не было. Мой выступ вы ці ўбачыце па тэлебачанні ў жывым эфіры, ці прачытаеце ў прэс-рэлізе».
Адкуль такая ўпэўненасць, што яна атрымае слова? «Я пагадзілася ўдзельнічаць толькі пры ўмове, што атрымаю слова на сходзе».
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?8
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары