Навукоўцы стварылі першую паўнавартасную мадэль чалавечага эмбрыёна
Першыя стадыі чалавечага развіцця складана вывучаць праз адсутнасць доступу да эмбрыёна, а таксама прававыя і этычныя абмежаванні. Аднак цяпер навукоўцы распрацавалі першую ў гісторыі мадэль чалавечага эмбрыёна ў сподку Петры.
Распрацоўкай займаліся навукоўцы з ЗША і Аўстраліі, пра што паведамляе часопіс Nature.
У публікацыі прыводзяцца вынікі двух даследаванняў, якія паказалі, што чалавечыя эмбрыянальныя стваловыя клеткі можна пабудзіць да самаарганізацыі ў сподку Петры такім чынам, што яны ўтвараюць структуры, падобныя да чалавечых эмбрыёнаў.
На ранняй стадыі чалавечы эмбрыён утварае структуру, якая называецца бластацыстай. Навукоўцам удалося стварыць бластацыстападобныя структуры з клетак у сподку Петры, якія даследчыкі назвалі бластоідамі.
Гэта першая інтэграваная мадэль чалавечага эмбрыёна, створаная з усіх тыпаў клетак, якія ўтвараюць плод.
Даследаванні выявілі, што чалавечыя бластоіды могуць стаць даступнай альтэрнатывай бластацыстам. Такая мадэль можа паспрыяць развіццю рэпрадуктыўных тэхналогій, палепшыць разуменне ранняга развіцця плода, а таксама прадухіліць страту цяжарнасці і дэфекты эмбрыёна.
-
Інжынер з Anthropic звольніўся, каб папярэдзіць, што ШІ вось-вось можа выйсці з-пад кантролю
-
ШІ-генерацыю ў відэагульнях крытыкавалі, а цяпер захапляюцца. Злітая тэхналогія ад NVIDIA ператварае старыя гульні ў сапраўдны кінематограф
-
У Расіі для Android зрабілі незвычайную клавіятуру— яна адразу паказвае тэрмін за каментар, што вы напісалі
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам
Каментары