«Мы сёння жывём ва ўмовах інфармацыйнай вайны»: дэпутаты прымаюць папраўкі ў закон да СМІ
Дэпутаты Палаты прадстаўнікоў прынялі ў першым чытанні законапраект аб змяненні законаў па пытаннях СМІ.
Прадставіў яго міністр інфармацыі Ігар Луцкі. Ён адзначыў важнасць інтэрнэту ў цяперашні час, піша БелТА.
«Пры гэтым далёка не заўсёды інфармацыя, якая распаўсюджваецца ў інтэрнэце, служыць развіццю грамадства і дзяржавы. Інтэрнэт стаў інструментам інфармацыйных войнаў, накіраваных на разбурэнне грамадскіх асноў і маральных каштоўнасцяў, а часам і цэлых дзяржаў. Менавіта таму шэраг навацый, якія змяшчаюцца ў законапраекце, накіраваныя на рэгуляванне праваадносін у інтэрнэт-прасторы», — сказаў ён.
У законе, у прыватнасці, прапануецца ўдакладніць патрабаванні да заснавальніка і галоўнага рэдактара СМІ, пашырыць абавязкі для рэдакцыі СМІ і ўладальнікаў інтэрнэт-рэсурсу. У законе канкрэтызуюцца паўнамоцтвы журналіста, замацоўваюцца падставы для пазбаўлення яго акрэдытацыі. Таксама вызначаюцца выпадкі, калі невыкананне абавязкаў журналіста будзе лічыцца грубым парушэннем яго працоўных абавязкаў.
Акрамя таго, у законе плануецца пашырыць пералік забароненай інфармацыі, прыняць меры для абмежавання замежнага ўплыву на інфармацыйны рынак, скасаваўшы цяперашнюю прэферэнцыю для рэдакцый СМІ, у чыіх статутных фондах прысутнічаюць замежныя інвестыцыі, якія перавышаюць 20%.
Сярод іншых абмежавальных мераў — пашыраны пералік падстаў для адмовы ў дзяржаўнай рэгістрацыі або перарэгістрацыі СМІ, прыняцця рашэння аб абмежаванні доступу да інтэрнэт-рэсурсу або сеткавага выдання. Плануецца дазволіць генпракурору — а таксама пракурорам абласцей і Мінска — зачыняць доступ да сайтаў, «з дапамогай якіх распаўсюджваецца інфармацыя, накіраваная на прапаганду экстрэмісцкай дзейнасці, і іншая інфармацыя, здольная нанесці шкоду нацыянальным інтарэсам Беларусі».
Намесніца старшыні Пастаяннай камісіі па правах чалавека, нацыянальных адносінах і СМІ Лілія Ананіч дадала, што, «па сутнасці, мы сёння жывём ва ўмовах інфармацыйнай вайны. І неабходна задзейнічаць увесь арсенал заканадаўчага ўздзеяння для забеспячэння дзяржаўных прыярытэтаў у развіцці нацыянальнай інфармацыйнай прасторы».
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары