«Белпошта» запусціла новы лічбавы сэрвіс «Баланс», які павінен спрасціць атрыманне грошай за пасылкі з накладзеным плацяжом, паскорыць абслугоўванне і зрабіць разлікі больш бяспечнымі.
Сэрвіс прызначаны для адпраўнікоў пасылак з накладзеным плацяжом, калі атрымальнік аплачвае заказ у паштовым аддзяленні, а грошы пасля гэтага пералічваюцца прадаўцу. Цяпер адпраўніку не абавязкова прыходзіць у аддзяленне, каб атрымаць наяўныя: сродкі за заказ могуць аўтаматычна залічвацца на яго «Баланс».
Пры афармленні пасылкі можна выбраць зручны спосаб атрымання грошай. Перавод на банкаўскую картку паступае адразу. Акрамя таго, з дапамогай прылад самаабслугоўвання QR-box можна аплачваць афармленне і перасылку паштовых адпраўленняў.
Каб падключыць сэрвіс, неабходна запоўніць анкету ў асабістым кабінеце на сайце або ў мабільным дадатку «Белпошты», а затым адзін раз наведаць любое паштовае аддзяленне з дакументам, які пацвярджае асобу.
Пасля прыняцця ўмоў карыстальніцкага пагаднення кліент зможа кругласутачна кіраваць сродкамі на сваім «Балансе»: пераводзіць іх на банкаўскія карткі і аплачваць паштовыя паслугі.
У «Белпошце» адзначылі, што запуск новага сэрвісу — чарговы этап лічбавай трансфармацыі прадпрыемства, які павінен павысіць хуткасць абслугоўвання, бяспеку разлікаў і зручнасць для кліентаў.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары