22‑гадовую выпускніцу каледжа з Бабруйска асудзілі за «садзейнічанне экстрэміцкай дзейнасці»
Юліяне Малачковай далі хатнюю хімію.
Юліяне Малачковай з Бабруйска 22 гады. Нядаўна дзяўчына выпусцілася з Мінскага каледжа прадпрымальніцтва.
Дзяўчыну судзілі ў Магілёўскім абласным судзе паводле часткі 1 артыкула 361‑4 Крымінальнага кодэкса. Яе абвінавацілі ў «садзейнічанні экстрэмісцкай дзейнасці».
Вядома, што суд прызначыў Малачковай хатнюю хімію.
***
Масавыя палітычныя рэпрэсіі ў краіне пачаліся пасля 2020 года. Тады Аляксандр Лукашэнка прайграў Святлане Ціханоўскай, але не аддаў ёй улады, а змусіў яе выехаць за мяжу. Адбыліся масавыя народныя пратэсты супраць дыктатуры і фальсіфікацыі выбараў. На гэта ўлады адказалі рэпрэсіямі.
Паводле падлікаў аб'яднання сілавікоў «Белпол» і праваабаронцаў, вядомыя імёны як мінімум 10050 чалавек, якія падпалі пад палітычна матываваныя крымінальныя справы. Усяго тыя ці іншыя палітычныя рэпрэсіі (крыміналкі, адміністратыўкі, звальненні, ператрусы, вымушаная эміграцыя) закранулі сотні тысяч беларусаў.
«Экстрэмізмам» улады Беларусі лічаць патрабаванне правесці свабодныя выбары з празрыстым падлікам галасоў, а таксама практычна ўсялякую крытыку ўладаў, прарасійскіх гістарычных наратываў, праявы салідарнасці з Украінай, антываенныя выступы.
Шматлікія крымінальныя справы апошняга часу па артыкуле аб «садзейнічанні экстрэмізму» былі звязаныя са «справай Гаюна».
«Беларускі Гаюн» — маніторынгавы OSINT-праект, які быў створаны ў 2022 годзе, калі Расія праз Беларусь напала на Украіну. Праект адсочваў ваенную актыўнасць расійскіх і беларускіх войскаў, абапіраючыся на інфармацыю ад беларусаў. Каардынавала яго дзейнасць група актывістаў на чале з Антонам Матолькам.
«Справа Гаюна» пачалася пасля таго, як сілавікі затрымалі актывістку, якая некалькі гадоў жыла ў Беларусі ў падполлі. У яе мабільніку знайшлі спасылку на далучэнне ў бот Гаюна, якую ёй дасылалі ў самым пачатку існавання праекта. Фатальная памылка была ў тым, што спасылка была бестэрміновая. А таму сілавікі змаглі падключыцца да бота і выпампаваць адтуль усю інфармацыю. Яны атрымалі паведамленні акаўнтаў, якія пісалі ў бот, а таксама іхнія ID і імёны карыстальнікаў.
«Наша Нiва» — бастыён беларушчыны
ПАДТРЫМАЦЬ56‑гадовую чыноўніцу з Бешанковічаў асудзілі адразу па пяці палітычных артыкулах
Ён адкрыта называў расійскіх вайскоўцаў акупантамі, а расійскую ўладу — фашысцкай. За краты кінулі супрацоўніка МТБанка
Кіроўцу пагрузчыка з Гродна асудзілі па шасці палітычных артыкулах. Імаверна, яго схапілі пасля вяртання ў Беларусь
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
А выбараў у Беларусі няма з 1995 года. І тое, што хлусілі, што будуць выбары ў 2020, то гэта і ёсць здрада беларускаму народу. І, натуральна што Захад не прызнаў тыя "выбары". А якія лукашэнкаўскія "выбары" з 2001 года прызнаваў Захад? Ніякія.
Беларусы ў 2020 хацелі не бабарык, калеснікавых, ціханоўскіх і іншых цапкалаў, а каб не было Лукі. Так і цяпер тое ж самае. Толькі з масавымі рэпрэсіямі супраць нас, беларусаў.
І розніца між "інтарасантамі найменавання жанчыны Нацыянальнай лідаркай і Прэзідэнтам-электам" і "мужам, які ... уступіў у жорсткі клінч" вельмі праблематычныя. А часам і анекдатычныя. Па прымаўцы - "муж ды жана - адна сатана".
І дай Бог, каб яшчэ не пад "прыкрыццём" ўсю гэту "рэвалюцыйную" групу на Захад не адправілі (тут ужо не пра Ціханоўскіх, а шырэй).
Отрабатывают лукашенковы квартиры, льготы, пенсии, должности, премии, которые выделяются за террор беларусок и беларусов.