Зяленскі на парадзе на Дзень Незалежнасці пажартаваў з Януковіча, а рассмяшыў Парашэнку, Кучму і Юшчанку
Сёння Украіна адзначае 30-годдзе незалежнасці. Прэзідэнт Уладзімір Зяленскі падчас прамовы агучыў жарт, які рассмяшыў прысутных другога, трэцяга і пятага прэзідэнтаў — Леаніда Кучму, Віктара Юшчанку і Пятра Парашэнку.
Зяленскі ў прамове тлумачыў, чаму ўкраінскі народ з'яўляецца адзіным, і падкрэсліў — кожны з рэгіёнаў даў дзяржаве важных фігур.
Спачатку кіраўнік дзяржавы падзякаваў Ровеншчыне за першага прэзідэнта Украіны Леаніда Краўчука, затым — Чарнігаўшчыне за другога, Леаніда Кучму, Сумскай вобласці — за трэцяга, Віктара Юшчанку.
А калі чарга дайшла да Данеччыны, Зяленскі зрабіў паўзу і падзякаваў усходняму рэгіёну Украіны за Леаніда Быкава — таленавітага рэжысёра і акцёра, і за спартсмена з сусветным імем Сяргея Бубку.
«Ровеншчына падарыла нам першага прэзідэнта Украіны, Чарнігаўшчына — другога, Сумшчына — трэцяга. Данеччына… падарыла нам Леаніда Быкава і Сяргея Бубку! Луганшчына [лінгвіста] Уладзіміра Даля…»
З-за таго, што прысутныя чакалі, што Зяленскі скажа пра прэзідэнта-ўцекача Віктара Януковіча, пачаўся смех сярод гледачоў. Жарт развесяліў Парашэнку, Юшчанку і Кучму, што прысутнічалі на святкаванні. Першы прэзідэнт Украіны Леанід Краўчук знаходзіцца ў бальніцы пасля аперацыі на сэрцы.
Цікава, што Парашэнку Зяленскі таксама не згадаў, адзначае Украінская праўда.
-
ЗША прыгразілі Еўропе разбуральнымі мерамі ў адказ у выпадку абмежаванняў для Starlink пры размеркаванні частот
-
Пуцін хоча новай «Ялты» — падзелу свету на сферы ўплыву між Масквой, Вашынгтонам і Пекінам. Над галовамі Еўропы і Украіны
-
Z-блогерцы Таццяне Манцян далі 1,5 года калоніі. Яна заклікала да гвалту ў дачыненні да «сацыяльнай групы асоб «ахранота»
Цяпер чытаюць
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні9
Прылукі пад Мінскам на хвалі хайпу — беларусы масава паехалі туды па здымкі ў стылі «Прыцемак». Мясцовыя не ў захапленні
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары