Глаз: Мы зрабілі больш жорсткімі візавыя правілы, пазбавілі дзясяткі тураператараў ліцэнзіі
Беларускія ўлады прынялі шэраг мер, якія накіраваны на зніжэнне патоку нелегальнай міграцыі праз Беларусь у краіны ЕС, сцвярджае прэс-сакратар МЗС Беларусі Анатоль Глаз.
«Мы зрабілі больш жорсткія візавыя правілы ў адносінах да грамадзян шэрагу дзяржаў, уведзены дадатковы ўязны міграцыйны кантроль, узмоцнены нагляд дзейнасці турыстычных аператараў, дзясяткі з якіх ужо пазбаўленыя ліцэнзій. Рэалізаваны і комплекс іншых мер», — сказаў беларускі чыноўнік.
Ён дадаў, што ўлады і авіякампанія «Белавія» вельмі сур'ёзна ставяцца да гэтага пытання.
«Мы неаднаразова і на розных узроўнях цалкам выразна заяўлялі: нацыянальны авіяперавозчык ААТ «Белавія» ніколі не перавозіў, не перавозіць і не будзе перавозіць уцекачоў альбо нелегальных мігрантаў», — заявіў ён.
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары