Лукашэнка прызнаў, што сілавікі маглі дапамагаць мігрантам перасякаць мяжу
Беларускі палітык Аляксандр Лукашэнка прызнаў, што беларускія сілавікі маглі дапамагаць уцекачам прарываць польскую мяжу. Пра гэта ён заявіў у інтэрв'ю BBC.
«Я думаю, што гэта абсалютна магчыма. Мы — славяне. Мы адчуваем сэрцам. Нашы вайскоўцы разумеюць, што мігранты накіроўваюцца ў Германію. Магчыма, хтосьці з іх (памежнікаў — рэд.) дапамагаў ім (мігрантам — рэд.). Я не буду гэта нават высвятляць», — сказаў палітычны дзеяч.
У той жа час Лукашэнка падкрэсліў, што не запрашаў мігрантаў у Беларусь і не збіраўся сілай утрымліваць іх у межах Беларусі.
«Я казаў ім, што я не збіраюся затрымліваць гэтых мігрантаў на мяжы, не буду трымаць іх, і нават калі яны будуць і далей ісці, я ўсё роўна не буду іх спыняць, таму што яны хочуць у вашу краіну, не маю. Я гэта меў на ўвазе. Але я іх сюды не запрашаў. І шчыра кажучы, я б не хацеў, каб яны ішлі праз Беларусь», — сказаў Лукашэнка.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары