Маджтабе Хаменеі будуць ставіць пратэз нагі і рабіць пластычную аперацыю
Згодна з інфармацыяй, атрыманай выданнем The New York Times ад чатырох іранскіх чыноўнікаў, вярхоўны лідар Ірана Маджтаба Хаменеі нібыта перанёс як мінімум тры медыцынскія аперацыі і яму патрэбна пратэзаванне нагі.
Як сцвярджаюць крыніцы выдання, сыну былога шматгадовага вярхоўнага лідара Ірана Алі Хаменіі Маджтабе, які быў абраны кіраўніком краіны пасля гібелі бацькі, ужо тройчы праводзілі аперацыі на адной назе, а цяпер чакаецца ўстаноўка яму пратэза. Таксама паведамляецца, што Маджтабе Хаменеі аперыравалі руку, функцыі якой паступова аднаўляюцца.
Акрамя таго, сцвярджаецца, што ў Хаменеі ёсць сур’ёзныя апёкі твару і вуснаў, што ўскладняе маўленне. У сувязі з гэтым ён нібыта мае абмежаваныя магчымасці асабіста камунікаваць і выкарыстоўвае перапіску праз пасярэднікаў. Яму неўзабаве будуць рабіць пластычную аперацыю
У артыкуле таксама гаворыцца, што з’яўленне на публіцы вярхоўнага лідара Ірана абмежавана, а доступ да яго — строга кантралюецца. Прынятыя Хаменеі рашэнні нібыта перадаюцца праз давераных асоб і вайсковых чыноўнікаў. Даклады і адказы ад чыноўнікаў ён таксама атрымлівае ў канвертах, у перадачы якіх задзейнічаны цэлы ланцужок кур'ераў і службоўцаў. «Яны ездзяць па аўтамагістралях і прасёлкавых дарогах, на аўтамабілях і матацыклах, пакуль не дабяруцца да яго сховішча», — піша NYT. Генералы Корпуса вартавых ісламскай рэвалюцыі, якія цяпер рэальна кіруюць краінай, вярхоўнага лідара не наведваюць, асцерагаючыся сябе выдаць і трапіць пад ліквідацыю.
Вярхоўны лідар Ірана заявіў пра гатоўнасць краіны «зноў нанесці паразу праціўнікам»
Рэжым у Іране змяніўся — прычым у горшы бок
Маджтаба Хаменеі захоўвае яснасць розуму і ўдзельнічае ў ключавых рашэннях, але яго твар знявечаны
Маджтаба Хаменеі па-ранейшаму ў цяжкім стане і без прытомнасці — The Times
Іранскія лідары амаль не камунікуюць паміж сабой праз страх праслухоўвання і ліквідацыі
У Іране патлумачылі знікненне новага вярхоўнага лідара
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары