Траціна беларусаў эканоміць на ежы. Эканамісты кажуць, далей будзе горш
38% беларусаў адмаўляюцца ад буйных пакупак, а 36% — эканомяць на ежы. Такія вынікі апытання BEROC. Далей будзе горш, прыходзіць канец беларускаму цуду, кажуць эканамісты.
Каб замераць успрыманне беларускай эканомікі насельніцтвам краіны, цэнтр BEROC правёў апытанне спажыўцоў і бізнэсу. 38% рэспандэнтаў сярод гарадскога насельніцтва ва ўзросце 18-64 гадоў адказалі, што адчуваюць падзенне даходаў.
У асноўным беларусы адмаўляюцца ад буйных пакупак і забаў, а 36,4% апытаных вымушаныя эканоміць на ежы. Пераважная большасць рэспандэнтаў кажа, што эканамічная сітуацыя ў краіне пагоршылася альбо, «хутчэй, пагоршылася».
«Усё, што адбываецца пазітыўнага ў эканоміцы, звязана са знешнім контурам. Але калі мы гаворым пра спажыванне, то людзі не гатовыя траціць грошы. Назіраецца інвестыцыйная дэпрэсія — бізнэс успрымае рызыкі вельмі высока», — каментуе дырэктарка цэнтра BEROC Кацярына Барнукова.
Эксперты тлумачаць, што «беларускі цуд» скончыцца ў наступным годзе.
Паводле іх, рост ВУП прыкладна на 2% у 2021 годзе быў звязаны з агульным аднаўленнем сусветнай эканомікі пасля пандэміі. «Улічваючы, што ўсе эканомікі вакол нас растуць хутчэй, казаць пра ўнікальны поспех не даводзіцца», — адзначае дырэктар BEROC Кацярына Барнукова.
У наступным жа годзе дададуцца адкладзеныя эфекты ад санкцый, «інвестыцыйнай дэпрэсіі» — бізнэс успрымае рызыкі ў Беларусі вельмі высока, піша Deutsche Welle.
У некалькі разоў больш за афіцыйную інфляцыю. Як падаражэлі за год аліўе і селядзец пад шубай
Чай плюс 18%, агуркі — 40%. Як змяніліся цены на прадукты пасля адмены дзяржрэгулявання
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары