Audi выдаткуе $4 млрд на свой першы завод у ЗША, у Мэйкане (Джорджыя). Ён будзе выпускаць да 200 000 уседарожнікаў на год і створыць 4 500 працоўных месцаў. Там будуць збіраць мадэлі Q7, Q8 і Q9, і частка вытворчасці пяройдзе туды з Браціславы (Славакія), піша The Guardian.
Кіраўнік Audi Гернот Дэлнер абвясціў пра завод разам з Трампам на перадвыбарным мітынгу за некалькі дзён да прамежкавых выбараў. Для буйнога еўрапейскага брэнда гэта незвычайны крок. Трамп у сваю чаргу выкарыстоўвае кожную новую фабрыку як доказ, што мыты вяртаюць вытворчасць у ЗША. Але, паводле The Guardian, занятасць у аўтамабільнай галіне ЗША з пачатку яго тэрміну скарацілася. Дэлнер патлумачыў свой удзел у мітынгу павагай да ЗША і назваў праект доўгатэрміновай інвестыцыяй у амерыканскі рынак.
Audi пацярпела ад 15‑працэнтных пошлін на імпарт з ЕС і ад палітыкі Трампа супраць электрамабіляў. VW ацэньвае страты ад мыт да €5 млрд на год, не лічачы падзення продажаў. Канцэрн ужо перанёс частку вытворчасці танных мадэляў (Jetta, Taos) з Мексікі ў ЗША. Пры гэтым у ЗША застаецца попыт на вялікія бензінавыя ўседарожнікі Audi, і самы вялікі з іх, Q9, ствараецца якраз пад амерыканскі рынак.
Інвестыцыя ў ЗША супадае з тым, што VW скарачае да 100 000 працоўных месцаў і закрывае заводы дома ў Германіі. Канцэрн тлумачыць гэта кітайскай канкурэнцыяй, мытамі і дарагім пераходам на электрамабілі, таму новы завод можа ўзмацніць незадаволенасць у Германіі.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары