Памёр граф Аляксандр Прушынскі — адзіны нашчадак арыстакратыі, які пасля падзення СССР вярнуўся на радзіму продкаў
Вярнуўся і спрабаваў нешта для яе рабіць. І ўжо адным гэтым ён увайшоў у гісторыю. Пра смерць 88-гадовага вядомага беларускага і польскага грамадскага актывіста Аляксандра Прушынскага паведамілі сваякі. Яго не стала тры дні таму.
Граф Прушынскі — сын вядомага польскага паэта і дыпламата Ксаверыя Прушынскага. Ён нарадзіўся на Гарадзеншчыне, у вёсцы Рагозніца цяперашняга Мастоўскага раёна. Аднак пасля Другой сусветнай вайны і ўсталявання ў Заходняй Беларусі савецкай улады разам з сямі'ёй пакінуў радзіму. Жыў у Францыі, ЗША, Канадзе.
У 1990-я вярнуўся ў Беларусь і нават хацеў балатавацца ў прэзідэнты на першых выбарах 1994 года, аднак у рэгістрацыі яму было адмоўлена з-за адсутнасці на той момант беларускага грамадзянства.
У 2015 годзе зноў хацеў удзельнічаць у выбарах, але ЦВК адмовіла яму ў рэгістрацыі, і гэтым разам зноў па фармальных прычынах. Хоць грамадзянства ён да таго часу ўжо атрымаў.
Аляксандр Прушынскі быў праціўнікам рэжыму Лукашэнкі, за што яго шмат разоў затрымлівалі і арыштоўвалі, ён атрымліваў штрафы за ўдзел у мітынгах. Рэгулярна выходзіў на пратэсныя акцыі і ў 2020 годзе.
Мабыць, Аляксандр Прушынскі адзіны нашчадак колішняй мясцовай арыстакратыі, які пасля набыцця Беларуссю незалежнасці вярнуўся на радзіму продкаў і спрабаваў нешта для яе рабіць. І ўжо адным гэтым ён увайшоў у гісторыю.
Чытайце таксама:
87-гадовага графа Прушынскага шэсць гадзін пратрымалі ў міліцыі за раздачу ўлётак
Проста Прушынскі
-
Калоны ў гонар Канстытуцыі 3 мая на Беларусі — міф, спароджаны адной кнігай
-
Кіраўніца «Вольнага хору» Галіна Казіміроўская сутыкнулася з цяжкай хваробай. За суткі ёй амаль сабралі вялікую суму, не хапае зусім крыху
-
Пракуратура палохае, што за навучанне і працу ў ЕГУ можа пагражаць да шасці гадоў зняволення
Цяпер чытаюць
Пяць дзён, 60 удзельнікаў, саўна, більярд і крыкі адно на аднаго. Расказваем, як прайшла закрытая «гульня Мацкевіча»57
Каментары