Заезджы расіянін у эфіры Азаронка даказваў, што беларусы не асобны народ. Той і не пярэчыў
«Нехта хоча даказаць, што гэта асаблівы народ, што яны іншыя. Не, гэта ўсё святая Русь!»
Госцем аднаго з нядаўніх стрымаў прапагандыста Рыгора Азаронка стаў расійскі акцёр і рэжысёр, народны артыст Расіі Мікалай Бурляеў.
Сярод іншага ён наракаў на ўкраінскіх артыстак, з якімі раней працаваў на кінафоруме «Залаты віцязь». Паводле ягоных слоў, яны называюць Пуціна агрэсарам і не разумеюць, што іх замбавалі.
Паводле Бурляева, такія людзі здрадзілі Расіі і святой Русі.
«Прыдумалі нейкі асобны народ — украінцы. Ну гэта наогул такое глупства. І паверыў у гэта народ! Яны яго зазамбавалі так, што пакаленнямі давядзецца ўсё гэта перавыхоўваць і прышчапляць іншыя каштоўнасці», — сказаў ён, а крыху пазней заклікаў «вяртацца да адзінства».
«Гэты мястачковы сепаратызм — вельмі небяспечная тэндэнцыя. На Украіне ён перамог святую Русь, і яны ўдарыліся ў сатанізм. Не дай Бог, каб у Беларусі нешта падобнае было, каб беларускі народ уявіў сябе нейкім зусім асобным народам. З гэтым я абсалютна не згодны. Дзесьці ў гэтым плане ідзе тленне. Нехта хоча даказаць, што гэта асаблівы народ, што яны іншыя. Не, гэта ўсё святая Русь», — заявіў Бурляеў.
«Так-так», — пагадзіўся Азаронак і перайшоў да разважанняў пра хрысціянства.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну93
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары