У Беларусі спыніў працу і ліквідаваны мясцовы дабрачынны фонд «Сафмар». Яго заснавальнікам з 2018 года з'яўляўся Расійскі дабрачынны фонд «Сафмар» Міхаіла Гуцырыева, піша Office Life.
У сярэдзіне верасня арганізацыя, зарэгістраваная ў аграгарадку Шаршуны, была выкрасленая з адзінага дзяржрэгістра суб'ектаў гаспадарання Беларусі.
Як і мацярынская структура, Беларускі фонд займаўся падтрымкай праектаў у адукацыі, спорце, ахове здароўя. У 2020 годзе ён прафінансаваў будаўніцтва праваслаўнага храма ў аграгарадку Новая Гута ў Гомельскім раёне. На той момант у штаце арганізацыі працавалі тры чалавекі.
Што тычыцца расійскага «Сафмара», то ён працягвае дзейнасць.
Расійскі алігарх Міхаіл Гуцэрыеў 21 чэрвеня 2021 года трапіў пад санкцыі ЕС супраць Беларусі, уведзеныя ў тым ліку ў сувязі з вымушанай пасадкай рэйса Ryanair у Мінску, на якім ляцеў Раман Пратасевіч. Рада ЕС патлумачыла ўвядзенне санкцый супраць расійскага бізнэсмена тым, што ён даўні сябар Лукашэнкі і дзякуючы гэтаму мае ўплыў на палітычныя эліты Беларусі.
-
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі
-
З 1 верасня беларусам, што едуць у Латвію, трэба будзе зарэгістравацца на спецыяльным партале і запоўніць анкету
-
Спецслужбы пад выглядам «друку сімволікі і сцягоў» спрабуюць падбіць беларусаў замежжа перадаць свае асабістыя звесткі
Цяпер чытаюць
У Маскве мужчыны масава спрабуюць знаёміцца, мацаючы дзяўчат за ягадзіцы. Так загадаў рабіць сэкс-коўч з Беларусі8
Каментары