За верасень і кастрычнік па палітычных справах толькі ў Мінску затрымалі мінімум 450 чалавек
За верасень і кастрычнік толькі ў Мінску па палітычных адміністрацыйных справах затрымалі мінімум 450 чалавек. Мінімум 25 чалавек былі адпраўленыя на паўторныя суткі, паведамляе тэлеграм-канал «Спісы затрыманых». Гэтыя звесткі няпоўныя, падкрэслівае канал.
Перазатрыманне — гэта калі чалавек фармальна адбыў суткі, выйшаў з камеры, сеў у бус і паехаў у РУУС, дзе складаецца новы пратакол, і чалавек вяртаецца ў Акрэсціна чакаць новага суда.
Каля 50 чалавек былі перазатрыманыя па крымінальным артыкуле, а значыць правялі яшчэ 10 сутак на Акрэсціна, а затым былі пераведзеныя ў СІЗА Валадарскага або Жодзіна да суда.
Валанцёры падкрэсліваюць, што на самай справе затрыманых людзей больш.
Па назіраннях праваабаронцаў, у Мінску ў кожным судзе разглядаюць каля 7 такіх адміністрацыйных спраў штодня. Пры адсутнасці валанцёраў у судзе, адсутнасці спраў у раскладзе — ніхто не ведае дакладнай мэты судоў, сутак, арыштаў.
Таксама валанцёры зазначаюць, што людзі, якія выйшлі з Акрэсціна, кажуць аб перапоўненых камерах, калі ў памяшканні на 6 чалавек сядзяць 18.
У Мінску жыве прыкладна 22 працэнты насельніцтва Беларусі. У рэгіёнах Беларусі няма сеткі праваабаронцаў, якая дазваляла б збіраць хоць прыблізныя звесткі пра колькасць затрыманых. Звесткі з Мінска даюць падставу меркаваць, што ўсяго ў Беларусі за месяц па палітычных матывах затрымліваюць, магчыма, больш за тысячу чалавек.
-
Мінчук зняў ролік пра чаргу ў паліклініцы, дзе было больш за 150 чалавек. За гэта на мужчыну напісалі заяву ў міліцыю
-
Юліяна Шаметавец з «Кіберпартызанаў» стала маці — расказвае пра дэкрэтны адпачынак у ЗША і тое, ці сапраўды можна сумяшчаць працу з мацярынствам
-
Каверын выбачыўся за прапанову эратычнай фотасесіі для Ціханоўскай
Цяпер чытаюць
Юліяна Шаметавец з «Кіберпартызанаў» стала маці — расказвае пра дэкрэтны адпачынак у ЗША і тое, ці сапраўды можна сумяшчаць працу з мацярынствам8
Каментары