Беёнсэ ўстанавіла рэкорд «Грэмі» з самай вялікай колькасцю ўзнагарод у гісторыі
Амерыканская спявачка Беёнсэ стала ўладальніцай самай вялікай колькасці прэмій у гісторыі «Грэмі», выйграўшы чатыры намінацыі і атрымаўшы 32-ю ўзнагароду на 65-й цырымоніі ўручэння прэміі, піша «Бі-бі-сі».
Падчас папярэдняга шоу Беёнсэ назвалі пераможцай у намінацыях «Найлепшы танцавальны/электронны запіс» за трэк «Break My Soul» і за «Найлепшае выкананне ў стылі R&B» — за «Plastic Off the Sofa». На асноўнай цырымоніі Беёнсэ была ўзнагароджаная за песню CUFF IT у намінацыі «Найлепшая песня ў стылі R&B», а затым і стала ўладальніцай узнагароды «найлепшы танцавальны/электронны музычны альбом» за альбом «Renaissance».
Такім чынам, яна абышла па ліку прэмій «Грэмі» нябожчыка, брытана-венгерскага дырыжора Георга Шолці, які атрымаў 31 узнагароду і заставаўся рэкардсменам «Грэмі» на працягу 20 гадоў.
«Я спрабую не быць занадта эмацыйнай», — сказала Беёнсэ, прымаючы ўзнагароду.
«Harry's House» брытанскага выканаўцы Гары Стайлза стаў найлепшым альбомам, а Лізза з «About Damn Time» атрымала ўзнагароду за найлепшы запіс года.
Яшчэ адзін брытанец, Сэм Сміт атрымаў узнагароду за найлепшае поп-выкананне дуэтам за «Unholy», дуэт з Кім Петрас.
Нечаканай стала перамога 73-гадовай блюзавай спявачкі Боні Райт, яе трэк «Just Like That» быў названы «Песняй года».
Адэль была ўдастоеная ўзнагароды за «Найлепшае сольнае поп-выкананне» за сваю баладу «Easy On Me».
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1818
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх18
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары