У «Еўрабачанні-2027» возьмуць удзел як мінімум 36 краін, дзве яшчэ думаюць
У песенным конкурсе «Еўрабачанне-2027» возьмуць удзел 36 краін — на адну больш, чым сёлета. Еўрапейскі вяшчальны саюз (EBU) абвясціў спіс удзельнікаў 28 кастрычніка. Конкурс адбудзецца ў маі наступнага года ў балгарскім Бургасе.
Упершыню ў гісторыі «Еўрабачання» на сцэну выйдзе прадстаўнік Канады. Таксама пасля чатырохгадовага перапынку ў конкурс вернецца Паўночная Македонія.
Удзел пацвердзілі Азербайджан, Албанія, Арменія, Аўстралія, Аўстрыя, Балгарыя, Бельгія, Вялікабрытанія, Германія, Грузія, Грэцыя, Данія, Ізраіль, Італія, Канада, Кіпр, Латвія, Літва, Люксембург, Малдова, Мальта, Нарвегія, Партугалія, Паўночная Македонія, Польшча, Румынія, Сан-Марына, Сербія, Украіна, Фінляндыя, Францыя, Харватыя, Чарнагорыя, Швейцарыя, Швецыя і Эстонія.
Некалькі краін не будуць удзельнічаць у конкурсе. Славакія зноў прапусціць «Еўрабачанне», спаслаўшыся на фінансавыя і праграмныя абмежаванні грамадскага вяшчальніка. Нідэрланды і Ірландыя адмовіліся ад удзелу другі год запар, бо не падтрымліваюць прысутнасць на конкурсе Ізраіля.
Іспанія і Славенія пакуль не прынялі канчатковага рашэння. Еўрапейскі вяшчальны саюз даў ім час да снежня, каб вызначыцца.
Беларусь і Расія таксама не будуць удзельнічаць. Сяброўства беларускага дзяржаўнага вяшчальніка ў арганізацыі спынілі яшчэ ў 2021 годзе, а расійскіх вяшчальнікаў выключылі з EBU пасля пачатку поўнамаштабнага ўварвання Расіі ва Украіну.
Упершыню ў гісторыі конкурс пройдзе ў Балгарыі. Гэта стала магчымым пасля перамогі балгарскай спявачкі Dara з песняй «Бангаранга» (Bangaranga) на «Еўрабачанні-2026». Горадам-гаспадаром абралі Бургас на ўзбярэжжы Чорнага мора.
Першы паўфінал запланаваны на 11 мая 2027 года, другі — на 13 мая, а фінал — на 15 мая. У галасаванні змогуць удзельнічаць жыхары ўсіх краін-удзельніц, а таксама гледачы з іншых краін свету. Разам з нацыянальнымі журы яны вызначаць пераможцу конкурсу.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары