Міністр абароны ЗША: Восем краін будуць пастаўляць ва Украіну танкі Leopard
Міністр абароны ЗША Лойд Осцін, выступаючы ў Бруселі на пасяджэнні Кантактнай групы па абароне Украіны, зноў пацвердзіў прыхільнасць саюзнікаў па НАТА ідэі незалежнай і суверэннай Украіны.
«Германія, Польшча, Канада, Партугалія, Іспанія, Нарвегія, Данія, Нідэрланды будуць пастаўляць ва Украіну танкі Leopard», — заявіў кіраўнік Мінабароны ЗША Лойд Осцін.
Акрамя гэтага, ЗША, Польшча і Чэхія паставяць танкі ў дадатак да ўжо адпраўленых. ЗША, Германія і Нідэрланды паставяць Украіне сістэмы СПА Patriot, Францыя і Італія — сістэмы СПА SAMP/T.
«Больш за год таму Пуцін думаў, што за лічаныя дні яго войскі захопяць Кіеў і скінуць дэмакратычны ўрад Украіны. Ён думаў, што міжнародная супольнасць проста змірыцца з гэтым», — дадаў Лойд Осцін.
«Уварванне Пуціна стала доўгатэрміновым выпрабаваннем для ўсяго свету», — дадаў міністр абароны. Але сябры Украіны не завагаліся, і ў выніку яна «выйграла бітвы за Кіеў, Харкаў і Херсон», працягнуў Лойд Осцін.
Разам саюзнікі па НАТА ўжо далі Украіне дапамогу ў памеры 50 млрд даляраў, сказаў ён, падкрэсліўшы, што многае яшчэ трэба будзе зрабіць. Крэмль усё яшчэ робіць стаўку на тое, што з часам міжнародная падтрымка Украіны аслабне, выказаў меркаванне міністр абароны ЗША.
«Але прайшоў год, і мы як ніколі адзіныя», — падкрэсліў ён.
Завяршаючы сваё выступленне, Лойд Осцін дадаў, што ў гэтым супрацьстаянні з расійскай аўтакратыяй НАТА павінна адстойваць свет, у якім «правілы маюць значэнне».
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»41
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары