Нацыянальны цэнтр кібербяспекі пры ААЦ павінен запрацаваць не пазней, чым праз паўгода. Гэта прапісана ва ўказе Лукашэнкі «Аб кібербяспецы».
Цэнтры кібербяспекі з'явяцца таксама пры іншых дзяржаўных органах і арганізацыях. Іх пералік вызначаць на працягу года.
Задачы — папярэдзіць і мінімізаваць наступствы кібератак.
Каардынаваць усё будзе Аператыўна-аналітычны цэнтр пры Лукашэнку. Ён будзе ацэньваць абстаноўку, узаемадзейнічаць з міжнароднымі арганізацыямі па пытаннях рэагавання на кіберінцыдэнты (напрыклад, у рамках форуму FIRST), заказваць праграмы і праекты, даследаванні ў галіне бяспекі.
Таксама ён будзе выносіць абавязковыя для выканання прадпісанні для дзяржорганаў і аператараў элекрасувязі.
Створаць таксама нацыянальную каманду рэагавання на кіберінцыдэнты — CERT.BY.
Функцыі цэнтраў кібербяспекі пры дзяржарганізацыях могуць ускладацца на падначаленыя ім юрасобы і структурныя падраздзяленні. Гэтыя цэнтры будзе атэстоўваць ААЦ.
Функцыі аўтарызаванага аператара электрасувязі — на «Беларускіх воблачных тэхналогіях».
Ва ўказе сказана, што кіраўнікі дзяржорганаў і арганізацый нясуць персанальную адказнасць за кібербяспеку.
Мэта ўсяго гэтага — «павысіць узровень абароны нацыянальнай інфармацыйнай структуры ад знешніх і ўнутраных пагроз».
Ва ўказе прыведзены пералік крытычна важных аб'ектаў інфарматызацыі. У яго ўвайшлі:
- «Белдзяржстрах»
- «Брэстэнерга»
- «Віцебскэнерга»
- «Гроднаэнерга»
- «Прамтрансінвест»
- «Мінскэнерга»
- «Магілёўэнерга»
- «Беларускія воблачныя тэхгалогіі»
- Банкаўскі працэсінгавы цэнтр
- Белаграпрамбанк
- Беларускі міжбанкаўскі разліковы цэнтр
- «Газпрам трансгаз Беларусь»
- «Гомельтранснафта Дружба»
- «Гродна Азот»
- Мазырскі нафтаперапрацоўчы завод
- «Нафтан»
- небанкаўская крэдытна-фінансавая арганізацыя «Адзіная разліковая і інфармацыйная прастора»
- Беларусбанк
- Светлагорскі цэлюлозна-кардонны камбінат
- Беларуская атамная электрастанцыя
- Інфармацыйна-выліковы цэнтр Міністэрства фінансаў
- Нацыянальны цэнтр абмену трафікам
- Нацыянальны цэнтр электронных паслуг
- «Белтэлекам»
- Белгазпрамбанк
- «Мабільныя ТэлеСістэмы»
- «А1»
Цяпер чытаюць
Каледж хацеў засудзіць студэнта і спагнаць з яго 13 тысяч рублёў — але юнак даў адпор сістэме4
Каментары