Алейнік заявіў у Венгрыі, што лічыць вінаватымі ў вайне «ЗША і іх сатэлітаў»
Міністр замежных спраў Беларусі Сяргей Алейнік зрабіў заяву, якой пераклаў віну за вайну, што ўжо больш за год ідзе ва Украіне, з Расіі, якая яе развязала, на «ЗША і яе сатэлітаў». Зрабіў ён гэта на тэрыторыі краіны Еўрасаюза — Венгрыі, у якой знаходзіўся з працоўным візітам.
«Мы не маглі сёння абысці ўвагай тэму Украіны, суседняй для абедзвюх нашых краін. І мы лічым складанымі і комплекснымі прычыны пачатку канфлікту.
Мы перакананыя, што сітуацыя справакавана і раздзімаецца намаганнямі ЗША і іх сатэлітаў. Яны атрымліваюць ад гэтага прыбытак, дывідэнды і перавагі, а ўсе астатнія нясуць выдаткі. Беларусь і Венгрыя на баку міру»,
— заявіў Сяргей Алейнік па выніках праведзенага ў Будапешце пасяджэння беларуска-венгерскай міжурадавай камісіі па эканамічным супрацоўніцтве.
Венгрыя — найбольш прыязная да Масквы краіна Еўрасаюза, яе кіраўніцтва амаль заўсёды займае асаблівую пазіцыю ў дачыненні да пуцінскага і лукашэнкаўскага рэжымаў. Дзякуючы гэтай пазіцыі, Еўрасаюз часта сутыкаецца з праблемамі пры ўвядзенні санкцый і іншых абмежаванняў супраць Расіі і Беларусі і зацвярджэнні пакетаў дапамогі Украіне.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары