Гіркіна-Стралкова пасля даносу правяраюць наконт дыскрэдытацыі расійскай арміі
У паліцыю звярнулася жанчына з Навасібірска, якую абурылі публікацыі экс-міністра абароны «ДНР» у сацсетках, дзе той крытыкуе ўладу, піша «Север. Рэаліі».
Цяпер Гіркіным-Стралковым цікавяцца піцерскія следчыя і маскоўскае МУС.
Яго хочуць праверыць на «дыскрэдытацыю» войска і махлярства. Са слоў заяўніцы, у сваіх роліках ён абражаў уладу і абвінаваціў кіраўніцтва краіны ў тым, што ваенныя дзеянні не пачаліся ў 2014 годзе.
Журналістам удалося знайсці аўтарку даносу, яна пацвердзіла свае прэтэнзіі да Стралкова і завяршыла размову фразай: «Навошта мне гаварыць з журналістамі, я сама пры пагонах».
Стралкова з жонкай таксама падазраюць у махлярстве — нібыта яны атрымлівалі ахвяраванні на патрэбы вайны, але пра іх ніяк не давалі справаздачу, таму грошы маглі ісці куды заўгодна.
Увосень 2022 года Стралкоў быў прызнаны вінаватым у крушэнні малазійскага Боінга рэйса MH17 і гібелі ўсіх яго пасажыраў. Гаагскі суд асудзіў яго і іншых абвінавачаных да пажыццёвых тэрмінаў завочна і абавязаў выплаціць сем'ям загінулых мінімум €16 млн у якасці кампенсацыі.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары