Упершыню прайшло беларускае набажэнства ў юрысдыкцыі Канстанцінопальскага патрыярхата
Усяночная на Вялікдзень у Вільні сабрала вернікаў, якія не хочуць больш мірыцца з тым, што Руская праваслаўная царква бласлаўляе вайну і рэпрэсіі.
Служылі протаіерэй Георгій Рой і іерэй Аляксандр Кухта, яны перайшлі з-пад юрысдыкцыі Маскоўскай патрыярхіі пад юрысдыкцыю Канстанцінопальскага патрыярха.
Памяшканне для службы ім дала лютэранская царква.
На службу сабралася каля 150 чалавек, пераважна моладзь і людзі сярэдніх гадоў. Спяваў хор. Маліліся ў тым ліку за патрыярха Канстанцінопальскага Варфаламея, які прыняў першых беларускіх святароў пад свой амафор. Маліліся таксама за найскарэйшае сканчэнне вайны і рэпрэсій.
Пасля службы былі асвячаныя паскі — іх заўважная сціпласць, а большую частку сабраных складалі нядаўнія ўцекачы, кантраставала з пышнымі інтэр'ерамі лютэранскай бажніцы.
Святары кожнаму з прысутных падарылі па велікодным яйку.
На ўсяночнай прысутнічала часовая павераная ў справах Літоўскай Рэспублікі ў Рэспубліцы Беларусь Аста Андрыяўскене.
У нядзелю а 14-й ад Вострай Брамы мае пачацца экскурсія па праваслаўных мясцінах Вільні.
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў31
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары