Самыя залайканыя каменты пад ролікам «Хэлоўін: чаму ідэолагі робяць з мухі слана» нечаканыя.
Напярэдадні Хэлоўіна беларускія дзяржСМІ ў адзін голас тлумачылі, чым небяспечнае гэтае свята. Беларусам даводзяць, што заходнія палітехнолагі нібыта выкарыстоўваюць яго «як інструмент разлажэння нашага грамадства», а пад выглядам бяскрыўднай забавы «прасоўваюцца чужыя каштоўнасці».
Гэтая гісторыя выклікала бурную рэакцыю ў сацсетках. Толькі адно відэа пра яе ў TikTok за суткі сабрала амаль 135 тысяч праглядаў і больш за 600 каментароў. Самы папулярны каментар набраў больш за пяць тысяч лайкаў:
«Таму што ў Хэлоўін апранаюцца, каб адпудзіць нечысць. А цяпер супастаўце гэта з рэакцыяй нашых чыноўнікаў на яго».
Іншыя каментатары жартавалі ў тым жа духу:
«Сабраўся неяк народ адпудзіць зло сваім маскарадам, і зло было супраць», — жартуе нехта.
«Ну як заўсёды, нечысць незадаволеная тым, што яе праганяюць».
«У Хэлоўін апранаюцца, каб адпудзіць нечысць, а мы яе, здаецца, выклікалі».
Многія проста канстатуюць:
«Усё роўна будзем святкаваць».
Асобныя гледачы сцвярджаюць, што 31 кастрычніка на Нямізе было шмат людзей у касцюмах, якія не звярталі ўвагу на заклікі міліцыі разысціся.
«Нямізе было ўсё роўна, столькі людзей прыгожых і цікавых было».
«Усім было абсалютна ўсё роўна, нават калі мянты казалі ў гучнагаварыцель, каб усе разыходзіліся».
«А мы ўчора захацелі і адзначылі, апранулі касцюмы і пайшлі».
Асобна людзей здзівіла логіка забаронаў. Каментатары задаюцца рытарычнымі пытаннямі:
«А святкаваць дзень агурка ці памідора — гэта не трызненне?»
«Давайце тады Новы год забаронім і Раство. Дзед Мароз і Снягурка, калі так разабрацца, таксама прасоўваюць заходнія каштоўнасці».
«Хутка будзе забарона на ШЧАСЦЕ».
Беларусы ўпэўнены, што ўладзе проста не падабаецца, калі людзі самі вырашаюць, як жыць: «Ды мне ўсё роўна, хачу адзначаць — буду адзначаць, захачу на Месяц паляцець — палячу на Месяц. Я сама вырашу, што і як рабіць з маім жыццём. Не дэпутаты будуць вырашаць, як мне жыць».
«Сэнс Хэлоўіна ў касплэі, а пагалоска ідзе, што ў нейкіх там мёртвых», — тлумачаць іншыя.
«Цікава, а ў чым дэградацыя? Людзі шыюць касцюмы, прадумваюць вобраз. (…) Гэта нагода нешта зрабіць разам — і бацькам, і дзецям», — дзівіцца нехта.
Знайшліся і тыя, хто падтрымлівае забарону. Але іх выказванні амаль не лайкаюць, затое менавіта яны распалілі самыя гарачыя спрэчкі: пад некаторымі назбіралася больш за 70 адказаў.
«Не, гэта цемрашальства».
«А навошта нам чужыя святы? У нас што, сваіх няма?»
«Гэта свята пакланення злым духам, не трэба нам святкаваць».
Некаторыя заўважаюць: калі ўжо змагацца за традыцыі, дык варта ўзгадаць пра свае. У відэа нагадваецца, што Дзяды перасталі быць выходным пры Лукашэнку, а 7 лістапада засталося.
«Ці патрэбнае гэтае 7 лістапада…» — пытаецца нехта.
«Чаму тады не прышчапляюць каштоўнасці Каляд? Наша гістарычнае свята. Чаму забыліся пра Дзяды?»
* * *
Тэксты ў рубрыцы «Меркаванні» могуць супадаць, а могуць і не супадаць з пазіцыяй Рэдакцыі.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў86
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары