Свет55

Медзвядчук стварае ў Расіі «палітычны рух», у якім выплыў і беларускі персанаж

Украінскі прарасійскі дзеяч, кум Пуціна Віктар Медзвядчук, якога ў мінулым годзе ўкраінскія ўлады абмянялі на палонных камандзіраў палка «Азоў», стварае ў Расіі палітычны рух «Іншая Украіна», у які вярбуе прарасійскіх украінцаў, якія выехалі з краіны ці яшчэ да пачатку вайны, ці падчас яе. 

Павел Карназыцкі
Павел Карназыцкі

Сярод удзельнікаў «Іншай Украіны» — палітычныя каментатары з ужо закрытых прарасійскіх тэлеканалаў, дэпутаты мясцовых рад ад прарасійскай Апазіцыйнай платформы «За жыццё», абвінавачаныя ў дзяржаўнай здрадзе і сепаратызме паліттэхнолагі, паведамляюць у адмыслова падрыхтаваным на гэтую тэму матэрыяле журналісты праекта ўкраінскай рэдакцыі «Радыё Свабода» «Схемы».

Праект «Іншая Украіна» з канца студзеня 2023 года пачаў весці сваю дзейнасць перш за ўсё ў расійскіх сацсетках. Там яго спікеры паўтараюць або дапаўняюць меседжы расійскай прапаганды, якія падхопліваюць і цытуюць падкантрольныя Крамлю медыя. Маўляў, Украінай кіруюць «вар'яты і нацысцкія бандыты», якія спрабуюць навязаць «сатанізм і беззаконне», а Уладзімір Зяленскі развязаў «свяшчэнную вайну», «апаганіўшы Кіева-Пячэрскую Лаўру».

Сярод 13-ці ідэнтыфікаваных удзельнікаў «Іншай Украіны» «Схемы» называюць і грамадзяніна Беларусі Паўла Карназыцкага, які ў свой час быў дастаткова прыкметнай фігурай у беларускім палітычным жыцці. 

Паўлу Карназыцкаму 47 гадоў, ён скончыў БДУ. У другой палове 1990-х гадоў актыўна ўдзельнічаў у грамадска-палітычным жыцці Беларусі, быў лідарам моладзевай арганізацыі Беларускай Сацыял-Дэмакратычнай Грамады. Пасля прызнаўся, што быў завербаваны КДБ і працаваў на спецслужбы пад псеўданімам «Ралан». З канца 1990-х жыў ва Украіне, дзе заснаваў інфармацыйны партал glavnovosti.com, праз які праводзіў прарасійскі парадак дня.

Але ў 2018 годзе Карназыцкім зацікавіліся ўкраінскія спецслужбы. Служба бяспекі Украіны правяла расследаванне і прыйшла да высновы, што Карназыцкі жыў ва Украіне нелегальна і пашыраў фэйкавую інфармацыю. У прыватнасці, «падчас выступаў на некаторых тэлевізійных каналах ён ставіў пад сумнеў прызнаныя міжнароднай супольнасцю доказы прысутнасці войскаў краіны-агрэсара на часова акупаваных тэрыторыях нашай краіны». Таксама Карназыцкага вінавацілі ў тым, што ён «неаднаразова публікаваў антыўкраінскія матэрыялы на медыя-рэсурсах, падкантрольных тэрарыстычным арганізацыям «ДНР» і «ЛНР».

Улічваючы гэта, 2 студзеня 2019 года Паўла Карназыцкага дэпартавалі з Украіны ў Беларусь. І вось цяпер ён зноў усплыў сярод паплечнікаў Медзведчука.

Каментары5

  • бабруйчанін
    27.04.2023
    У дзесці 13 гадоу пачау цікавіца " незалежным" тіві і смі в Украіна..
    .Быу вельмі ах..ы ..уражан пабачыушы эКспертау гэтага Пашу і вядомага Мішу Па
    Міша больш " ушлы" і зараз "наверсе" Паше ні пасчасціла з гаспадаром ці " нюха" німае
  • Правдоруб
    27.04.2023
    бабруйчанін, ты пьян?
    Ужас, что творится в голове человекообразного, пишущего такой текст!...
  • бабруйчанін
    27.04.2023
    Правдоруб , ..адказ які доубаруб заслугоуваешь мадэрацыю ні прайшоу..
    Як у нас адказваюць на падобнае
    П' яны праспіцца доуьаруб ніколі

Цяпер чытаюць

Што можа чакаць тых, каго будуць судзіць па справе «Беларускага Гаюна»?

Што можа чакаць тых, каго будуць судзіць па справе «Беларускага Гаюна»?

Усе навіны →
Усе навіны

Дзіцячы цэнтр, які адмовіў дзяўчыне ў працаўладкаванні за беларускую мову, улады праверылі і знайшлі парушэнні2

У Ізраілі 1 загінуў, 40 параненых ад іранскай балістыкі. Пачалася трэцяя хваля ўдараў па Іране11

«Гэты фэст не толькі для кайфу». Арганізатары фестывалю Tutaka расказалі пра сёлетнія планы і перспектывы10

Пуцін асудзіў парушэнне Ізраілем Статута ААН і нормаў міжнароднага права11

За месяц попыт на лялек Лабубу вырас на «Куфры» ў 6,5 раза7

Пад Салядарам адзін расійскі самалёт збіў іншы?4

Ізраільская ракета ўдарыла па рэзідэнцыі Вярхоўнага лідара Ірана Алі Сееда Хаменеі3

Падчас ізраільскай атакі на Іран забілі камандзіра спецпадраздзялення «Кудс»1

Нетаньяху ўвёў Іран у зман з дапамогай вяселля, а Трамп — сваімі заявамі8

больш чытаных навін
больш лайканых навін

Што можа чакаць тых, каго будуць судзіць па справе «Беларускага Гаюна»?

Што можа чакаць тых, каго будуць судзіць па справе «Беларускага Гаюна»?

Галоўнае
Усе навіны →

Заўвага:

 

 

 

 

Закрыць Паведаміць