Miedźviadčuk stvaraje ŭ Rasii «palityčny ruch», u jakim vypłyŭ i biełaruski piersanaž
Ukrainski prarasijski dziejač, kum Pucina Viktar Miedźviadčuk, jakoha ŭ minułym hodzie ŭkrainskija ŭłady abmianiali na pałonnych kamandziraŭ pałka «Azoŭ», stvaraje ŭ Rasii palityčny ruch «Inšaja Ukraina», u jaki viarbuje prarasijskich ukraincaŭ, jakija vyjechali z krainy ci jašče da pačatku vajny, ci padčas jaje.
Siarod udzielnikaŭ «Inšaj Ukrainy» — palityčnyja kamientatary z užo zakrytych prarasijskich telekanałaŭ, deputaty miascovych rad ad prarasijskaj Apazicyjnaj płatformy «Za žyćcio», abvinavačanyja ŭ dziaržaŭnaj zdradzie i sieparatyźmie palittechnołahi, paviedamlajuć u admysłova padrychtavanym na hetuju temu materyjale žurnalisty prajekta ŭkrainskaj redakcyi «Radyjo Svaboda» «Schiemy».
Prajekt «Inšaja Ukraina» z kanca studzienia 2023 hoda pačaŭ vieści svaju dziejnaść pierš za ŭsio ŭ rasijskich sacsietkach. Tam jaho śpikiery paŭtarajuć abo dapaŭniajuć miesiedžy rasijskaj prapahandy, jakija padchoplivajuć i cytujuć padkantrolnyja Kramlu miedyja. Maŭlaŭ, Ukrainaj kirujuć «varjaty i nacysckija bandyty», jakija sprabujuć naviazać «satanizm i biezzakońnie», a Uładzimir Zialenski raźviazaŭ «śviaščennuju vajnu», «apahaniŭšy Kijeva-Piačerskuju Łaŭru».
Siarod 13-ci identyfikavanych udzielnikaŭ «Inšaj Ukrainy» «Schiemy» nazyvajuć i hramadzianina Biełarusi Paŭła Karnazyckaha, jaki ŭ svoj čas byŭ dastatkova prykmietnaj fihuraj u biełaruskim palityčnym žyćci.
Paŭłu Karnazyckamu 47 hadoŭ, jon skončyŭ BDU. U druhoj pałovie 1990-ch hadoŭ aktyŭna ŭdzielničaŭ u hramadska-palityčnym žyćci Biełarusi, byŭ lidaram moładzievaj arhanizacyi Biełaruskaj Sacyjał-Demakratyčnaj Hramady. Paśla pryznaŭsia, što byŭ zavierbavany KDB i pracavaŭ na śpiecsłužby pad psieŭdanimam «Rałan». Z kanca 1990-ch žyŭ va Ukrainie, dzie zasnavaŭ infarmacyjny partał glavnovosti.com, praź jaki pravodziŭ prarasijski paradak dnia.
Ale ŭ 2018 hodzie Karnazyckim zacikavilisia ŭkrainskija śpiecsłužby. Słužba biaśpieki Ukrainy praviała rasśledavańnie i pryjšła da vysnovy, što Karnazycki žyŭ va Ukrainie nielehalna i pašyraŭ fejkavuju infarmacyju. U pryvatnaści, «padčas vystupaŭ na niekatorych televizijnych kanałach jon staviŭ pad sumnieŭ pryznanyja mižnarodnaj supolnaściu dokazy prysutnaści vojskaŭ krainy-ahresara na časova akupavanych terytoryjach našaj krainy». Taksama Karnazyckaha vinavacili ŭ tym, što jon «nieadnarazova publikavaŭ antyŭkrainskija materyjały na miedyja-resursach, padkantrolnych terarystyčnym arhanizacyjam «DNR» i «ŁNR».
Uličvajučy heta, 2 studzienia 2019 hoda Paŭła Karnazyckaha departavali z Ukrainy ŭ Biełaruś. I voś ciapier jon znoŭ uspłyŭ siarod paplečnikaŭ Miedźviedčuka.
«Usie prablemy z SBU ŭ mianie byli źviazanyja z carkvoj». Pavał Karnazycki pra departacyju z Ukrainy
«Zatrymali vypadkova». Miedźviadčuk raspavioŭ, chto jaho zatrymaŭ paśla ŭciokaŭ z-pad varty
Łukašenku i Miadźviedčuku davodziać adnolkavyja mietadyčki? Zirnicie, nakolki adnolkavyja zajavy jany siońnia rabili
Ciapier čytajuć
Łukašenka: Što tvorycca ŭ krainie, u nas usie hetuju huś kruciać25
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2222
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna22
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5757
Kamientary
.Byu vielmi ach..y ..uražan pabačyušy eKśpiertau hetaha Pašu i viadomaha Mišu Pa
Miša bolš " ušły" i zaraz "naviersie" Pašie ni pasčaściła z haspadarom ci " niucha" nimaje
Užas, čto tvoritsia v hołovie čiełoviekoobraznoho, pišuŝieho takoj tiekst!...
Jak u nas adkazvajuć na padobnaje
P' jany praśpicca douarub nikoli